મહામારી કોવિડ-૧૯ નવા વૅરિયન્ટમાં દેશમાં ફરી સામે આવી છે. કેરળ અને યુપીમાં કેસમાં ચિંતાજનક વધારો થયો છે, પાંચ મૃત્યુ થઈ ચૂક્યા છે, જેએન-૧ નામનું આ વૅરિયન્ટ વધુ વકરે નહીં એ માટે ગઈકાલે રાજ્યભરના પગલે જામનગરની કોવિડ હૉસ્પિટલમાં તૈયારીઓની સમીક્ષા માટે મોકડ્રીલનું આયોજન કરાયું હતું. બેડ, વૅન્ટિલેટર, ઑક્સિજન ટેન્ક વગેરેની ચકાસણી કરવામાં આવી હતી. ‘આજકાલ’ સાથેની વાતચીતમાં કોવિડ હૉસ્પિટલના નૉડલ ઑફિસર એસ.એસ. ચેટર્જીએ કહ્યું હતું કે, નવું વૅરિયન્ટ દેશમાં સામે આવ્યું છે, પરંતુ ગભરાવાની કોઈ જરુર નથી, હા... તકેદારી રાખવાની આવશ્યકતા ઉપર એમણે પણ ભાર મૂક્યો હતો.