રાજકોટ શહેર અને જિલ્લામાં પીએમ ગતિશક્તિ અંતર્ગત કેટલા પ્રોજેક્ટ ચાલી રહ્યા છે ?અને તેનું હાલ નું સ્ટેટસ શું છે ?તે જાણવા માટે આજે દિલ્હીથી વડાપ્રધાન કાયર્લિય દ્વારા સમીક્ષા બેઠક યોજવામાં આવી હતી. રાજકોટ જિલ્લા કલેકટર પ્રભવ જોશી અને રેલવે સહિતના જુદા જુદા વિભાગોના અધિકારીઓ આ વીડિયો કોનફરન્સમાં હાજર રહ્યા હતા.

મીટીંગ અગાઉ દરેક જિલ્લા કલેકટરને તેમના હસ્તકના કયા પ્રોજેક્ટની વિડિઓ કોન્ફરન્સમાં ચર્ચા કરવામાં આવશે તેની વિગતો મોકલી દેવાતી હોય છે. રાજકોટમાં એઈમ્સ અને કાનાલુસ રેલવે ડબલીંગ પ્રોજેક્ટની આજે ચચર્િ કરવામાં આવી હતી. એઇમસનું વડાપ્રધાનના હસ્તે લોકાર્પણ થઈ ગયું છે અને આ પ્રોજેક્ટ સંપૂર્ણ પૂરો થઈ ગયો છે તેવી માહિતી સ્થાનિક કક્ષાએથી આપવામાં આવતા પીએમ ગતિ શક્તિ પ્રોજેક્ટ રિવ્યુના લીસ્ટમાંથી એઈમ્સની બાદબાકી કરી નાખવામાં આવી છે.

કાનાલુસ ડબલ લાઈન પ્રોજેક્ટ માટે જે જમીન સંપાદન કરવામાં આવી છે અને વળતર ચૂકવવામાં આવ્યું છે તેની માહિતી કલેક્ટર તંત્ર તરફથી આપવામાં આવી હતી. જ્યારે રેલ્વે ડિપાર્ટમેન્ટ તરફથી કામગીરીની પ્રગતિની સમીક્ષા રજૂ કરવામાં આવી હતી.