સૌરાષ્ટ્ર્ર સહિત રાજ્યના અનેક વિસ્તારોના વાતાવરણમાં આજે એકાએક ફેરફાર થયો છે. ભેજનું પ્રમાણ વધી ગયું છે અને અપર લેવલે વાદળો જોવા મળે છે. નર્મદા જિલ્લાના સાંગબારા અને તેની આસપાસના વિસ્તારમાં સામાન્ય ઝાપટું પડું છે અને રાયના અનેક વિસ્તારોમાં આજથી બે દિવસ માવઠાની ચેતવણી હવામાન વિભાગ દ્રારા આપવામાં આવી છે. ઇન્ડિયન મેટ્રોલોજીકલ ડિપાર્ટમેન્ટના સત્તાવાર બુલેટિનમાં જણાવ્યા મુજબ સૌરાષ્ટ્ર્ર કચ્છ અને ગુજરાત જેવી જ સ્થિતિ દેશના અનેક રાયોમાં છે અને વરસાદ વરસી રહ્યો છે.

ગુજરાતમાં આજે અમદાવાદ ગાંધીનગર મહેસાણા સાબરકાંઠા બનાસકાંઠા અરવલ્લી નવસારી વલસાડ ડાંગ તાપી અને સૌરાષ્ટ્ર્રમાં ગીર સોમનાથ બોટાદ અમરેલી ભાવનગર સુરેન્દ્રનગર જિલ્લાઓમાં વરસાદની ચેતવણી આપવામાં આવી છે.

અરબી સમુદ્રના સાઉથ ઈસ્ટ દિશામાં ટ્રફ સર્જાયું છે અને તે સાયકલોનિક સકર્યુલેશનની સિસ્ટમમાંથી પસાર થઈ રહ્યું હોવાથી દેશના અનેક રાયોમાં વરસાદ શ થયો છે. તામિલનાડુ અને પુડીચેરીમાં દરિયો તોફાની બન્યો છે. દરિયાકાંઠે પ્રતિ કલાકના ૪૦ થી ૪૫ કિલોમીટરની ઝડપે પવન ફંકાય છે અને અમુક તબક્કે તેની ઝડપ વધીને ૫૫ કીલોમીટર સુધી પહોંચી જતી હોવાથી માછીમારોને દરિયામાં ન જવા માટે ચેતવણી આપવામાં આવી છે.

હવામાન ખાતાના જણાવ્યા મુજબ દક્ષિણ ભારતના તામિલનાડુ પુડીચેરી કેરલા લક્ષદ્રીપ આંધ્રપ્રદેશમાં ભારે વરસાદ પડી રહ્યો છે. વેસ્ટર્ન ડિસ્ટર્બન્સની અસરના ભાગપે જમ્મુ કશ્મીર માં હિમવર્ષા સાથે વરસાદ પડે છે તો ઉત્તરાખડં લદાખ અને હિમાલયન રિજીયનમાં પણ ભારે વરસાદ પડી રહ્યો છે. હરિયાણા ચંદીગઢ દિલ્હી ઉત્તર પ્રદેશ બિહારમાં પણ વરસાદ ચાલુ છે.

અરબી સમુદ્રમાં સર્જાયેલી ટ્રફ અને સાયકલોનિક સકર્યુલેશન ની સિસ્ટમના કારણે આજથી બે દિવસ માટે ગુજરાત મહારાષ્ટ્ર્ર રાજસ્થાન અને મધ્યપ્રદેશમાં વરસાદની ચેતવણી આપવામાં આવી છે.