NEET UG પેપર લીકના આક્ષેપો વચ્ચે દેશભરના ઘણા ઉમેદવારોના પરિણામો અટકાવી દેવામાં આવ્યા છે. સૂત્રોને ટાંકીને જણાવવામાં આવ્યું છે કે શિક્ષણ મંત્રી ધર્મેન્દ્ર પ્રધાને કહ્યું કે NTA દ્વારા દેશભરના 67 વિદ્યાર્થીઓના પરિણામ રોકી દેવામાં આવ્યા છે. પટનામાં કુલ 70 પરીક્ષા કેન્દ્રો બનાવવામાં આવ્યા હતા, જેમાંથી 17 ઉમેદવારોની પરીક્ષામાં ગેરરીતિઓ જોવા મળી હતી અને તેમના પરિણામો અટકાવી દેવામાં આવ્યા હતા.

સૂત્રોના જણાવ્યા અનુસાર, કેન્દ્રીય શિક્ષણ મંત્રી ધર્મેન્દ્ર પ્રધાને કહ્યું કે, "ઉમેદવારોની જે પણ માંગણી હતી તેને સ્વીકારવામાં આવી છે. NTA પર કાર્યવાહી કરવાની માંગ કરવામાં આવી હતી. NTAના DGની બદલી કરવામાં આવી છે. વિદ્યાર્થીઓને મનમાં આવી ગયું હતું કે NTA સિસ્ટમમાં કંઈક ગરબડ છે, જે સરકાર સમજી ગઈ અને અમે તેને સુધારી. ગ્રેસ માર્કની જોગવાઈ માટે કોઈ જોગવાઈ ન હતી, પરંતુ NTAએ તે કર્યું." સૂત્રોના જણાવ્યા અનુસાર, સરકાર દ્વારા આને અનિયમિતતાનું કારણ માનવામાં આવી રહ્યું છે અને તેના આધારે NTAના DGની બદલી કરવામાં આવી હતી. 

સૂત્રોના જણાવ્યા અનુસાર શિક્ષણ મંત્રીએ જણાવ્યું હતું કે, “નિષ્ણાત સમિતિની ભલામણો NTA દ્વારા આયોજિત તમામ પરીક્ષાઓ પહેલા લાગુ કરવામાં આવશે. NTAના સુધારા માટે રચાયેલી સમિતિ 22 ઓગસ્ટ સુધીમાં પોતાનો રિપોર્ટ સોંપશે. સમિતિ દ્વારા જે પણ ભલામણો કરવામાં આવશે, NTA આગામી પરીક્ષા પહેલા તેનો અમલ કરશે."

શિત્રા મંત્રાલયે શનિવારે (22 જૂન) NEET UG કેસમાં કથિત અનિયમિતતાઓની તપાસ કરવા માટે ઘણા શહેરોમાં વિરોધ કરી રહેલા વિદ્યાર્થીઓની માંગને સ્વીકારીને તપાસ CBIને સોંપી દીધી હતી. આ પછી CBIએ રવિવારે (23 જૂન) કલમ 120-B (ગુનાહિત કાવતરું) અને 420 (છેતરપિંડી) હેઠળ કેસ નોંધ્યો હતો.

NEET-UG પરીક્ષા 5 મેના રોજ દેશભરના 4,750 કેન્દ્રો પર લેવામાં આવી હતી અને લગભગ 24 લાખ ઉમેદવારોએ તેમાં શામીલ થયા હતા. આ પરીક્ષાનું પરિણામ 14 જૂને જાહેર થવાનું હતું, પરંતુ 4 જૂને જાહેર કરવામાં આવ્યું હતું.