શહેરના લાતી પ્લોટ વિસ્તારમાં રહેતા શખસે રણછોડનગરમાં વેપારીને છરીનો ઘા ઝીંકી દીધા બાદ ઇન્સ્ટાગ્રામમાં ફરિયાદ સાથેનો ફોટો મૂકયો હતો. એટલું જ નહીં આ ઘટનાના બે દિવસ બાદ આ શખસે અન્ય એક યુવાનને પણ છરીનો ઘા ઝીકયો હતો. જે અંગે બી ડિવિઝન અને ગાંધીગ્રામ પોલીસ સ્ટેશનમાં ફરિયાદ નોંધાય હતી. દરમિયાન ક્રાઈમ બ્રાન્ચની ટીમને રહીશ ખાટકી નામના આ શખસને પોપટપરા પાસેથી ઝડપી લીધો છે.
શહેરના લાતી પ્લોટ વિસ્તારના રહીશ ખાટકીએ તા.૧૮ના ઉપલાકાંઠા વિસ્તારના રણછોડનગરમાં રહેતા વેપારી પરેશભાઇ ચંદ્રકાંતભાઇ બાબિયા (ઉ.વ.૩૯)ને તા.૧૮ના નજીવી બાબતે છરીના ચાર ઘા ઝીંકી દીધા હતા. હત્પમલામાં ગંભીર રીતે ઘવાયેલા પરેશભાઇ બાબિયાને હોસ્પિટલ ખસેડાયા હતાં. હત્પમલાની ઘટના અંગે બી.ડિવિઝન પોલીસ સ્ટેશનમાં બે અજાણ્યા વાહનચાલક સામે ગુનો નોંધવામાં આવ્યો હતો, પરેશભાઇ પર હત્પમલો કર્યા બાદ રહીશ ખાટકીએ પોતાના ઇન્સ્ટાગ્રામ એકાઉન્ટના સ્ટેટસમાં પોતાના સામે થયેલી એફઆઇઆરનો ફોટો અપલોડ કર્યેા હતો. એટલું જ નહીં, એ એફઆઇઆરના સ્ટેટસમાં એવું પણ લખ્યું હતું કે, તુમ્હારે અબુ આ ગયે, આને વાલા તુફાન અને રહીશ ખાટકી–૩૦૭.
ત્યારબાદ રહિશ અને તેના સાથીદારાએ તા.૨૦ની રાત્રીના રેલનગર મેસુરભગત ચોક પાસે રવેચી ટી સ્ટોલની પાછળ ચુનારાવાડના અજય ઉર્ફે અજુ સંજય સોલંકી (ઉ.વ.૨૦)ને સોશિયલ મીડિયામાં તા બહત્પ ચાલી ગયું તેમ કહી ઝઘડો કર્યેા હતો.બાદમાં રહીશ ખાટકી ઉર્ફે અબુ મહમદ ભાડુલાએ છરીના ઘા ઝીંકયા હતા.આ અંગે અજય સોલંકીએ ગાંધીગ્રામ પોલીસ સ્ટેશનમાં ફરિયાદ નોંધાવી હતી.
પોલીસને પડકાર ફેંકરનાર આ શખસને ઝડપી લેવા ક્રાઇમ બ્રાંચના પીઆઇ એમ.આર.ગોંડલીયા અને એમ.એલ.ડામોરના માર્ગદર્શન હેઠળ પીએસઆઇ એમ.કે.મોવાલીયા તથા તેમની ટીમ તપાસમાં હતી દરમિયાન હેડ કોન્સ.અમીતભાઇ અગ્રાવત,યુવારાજસિંહ ઝાલા અને દિપકભાઇ ચૌહાણને મળેલી બાતમીના આધારે પોલીસે આરોપી પોપટપરા નાલા પાસેથી આરોપી અલ્બાજ ઉર્ફે રહીશ ઉર્ફે અબુ મહમંદભાઇ ભાડુલા(ઉ.વ.૨૨ રહે.ચામડીયાપરા ખાટકીવાસ,જુનો મોરબી રોડ) ને ઝડપી લીધો હતો. પોલીસે આરોપીની આગવી ઢબે સરભરા કરી તેને કાયદાનો પાઠ ભણાવ્યો હતો.હત્પમલા પ્રકરણમાં સામેલ રહીશના સાથીદાર અમીત રાઠોડને ઝડપી લેવા તપાસ હાથ ધરી છે