રાજકોટ મહાનગરપાલિકાના સાત સ્વિમિંગ પુલ સહિત રમત ગમતના વિવિધ ૧૪ સંકુલોમાં આજે બપોર સુધીમાં કુલ ૪૨,૫૩૧ મેમ્બર્સની નોંધણી થઇ છે, અને તેની ફી પેટે તંત્રને ૨.૪૭ કરોડની આવક થઇ છે. સૌથી વધુ ૨૫૦૫૫ તરવૈયાઓનું સ્વિમિંગ પુલના ઉનાળુ સત્રમાં રજિસ્ટ્રેશન થઇ ગયું છે.
વિશેષમાં મ્યુનિ.સૂત્રોએ જણાવ્યું હતું કે બાસ્કેટ બોલ માટે ૩૭૮ રજિસ્ટ્રેશન, હૈદરી ચોકના જિમ માટે ફકત બે રજિસ્ટ્રેશન, રેસકોર્સ જિમ માટે ૨૬૨૫, શેઠ હાઈસ્કૂલ જિમ માટે ૯૭૧, સાધુ વાસવાણી રોડ લેડીઝ સ્વિમિંગ પુલમાં ૧૮૬૧, નાના મવા લેડીઝ જીમમાં ૨૬૨, કાલાવડ રોડ સ્વિમિંગ પુલમાં ૮૧૧૫, કોઠારીયા રોડ સ્વિમિંગ પુલમાં ૬૨૦૧, પેડક રોડ સ્વિમિંગ પુલમાં ૩૦૩૪, રેસકોર્સ સિન્થેટિક એથ્લેટીક ટ્રેક માટે ૧૩૨૮૦, રેસકોર્સ ટેનિસ કોર્ટ માટે ૧૭૬ અને વોલીબોલ કોર્ટ માટે ૪૪ મેમ્બર્સનું રજિસ્ટ્રેશન થયું છે