વાંકાનેર તાલુકાના દરેક ક્ષત્રિય ગામમાં આ રથ પહોંચ્યો હતો અને ત્યાં મોટી સંખ્યામાં ક્ષત્રીય સમાજ સાથે અન્ય સમાજના લોકો પણ હાજર રહ્યા હતા. દરેક ગામમાં ભાજપ વિરૂધ્ધ અને કોંગ્રેસ તરફથી મતદાન કરાવવાના સોગંદ લેવડાવવામાં આવ્યા હતા. ક્ષત્રીય સમાજના આગેવાનોએ વધુમાં ઉમેર્યું હતું કે, તમને સમજાવવા માટે સમાજના આગેવાનો આવશે તેમને બે હાથ જોડીને કહી દેજો કે, અમે સમાજ સાથે છીએ અને સંકલન સમિતિ વિશે કેટલીક ખોટી અફવા ફેલાવોમાં આવી રહી છે અને હજુ વધુ ફેલાવવામાં આવશે કોઈ વાતમાં આવશો નહીં. 

દરેક વ્યકિતએ બે પાંચ બીજા મત ભાજપની વિ‚ધ્ધમાં કોંગ્રેસમાં અપાવવાના છે. ધર્મરથ વાંકાનેર તાલુકામાં આવ્યો હતો અને ક્ષત્રીય સમાજના ગામોમાં ફર્યો હતો. જયાં મોટી સંખ્યામાં લોકોએ ઉત્સાહભેર ધર્મરથનું સામૈયું કરીને સ્વાગત કર્યું હતું. અત્રે ઉલ્લેખનીય છે કે, આ વેળાએ માત્ર ક્ષત્રીય સમાજ જ નહીં પણ અન્ય સમાજના લોકોએ પણ તેમાં જોડાયા હતા. 

રાજપુત ક્ષત્રીય સમાજ અને કરણી સેના દ્વારા આયોજીત ક્ષત્રીય નારી અસ્મિતા રથને આજે કચ્છમાં માતાના મઢ મંદિર પાસેથી પ્રસ્થાન કરાયું હતું. આ પહેલા ક્ષત્રીય સમાજ અને અન્ય સમાજના લોકો માતાના મઢ ખાતેની ક્ષત્રીય સમાજની વાડી ખાતે એકત્ર થયા હતા અને રેલી સ્વ‚પે માઁ આશાપુરા મંદિરે પહોંચી માતાજીના દર્શન બાદ અસ્મિતા ધર્મ રથને પ્રસ્થાન કરાવાયું હતું.