રતન તાતા માત્ર ઈન્ડસ્ટ્રીને નવી ઊંચાઈઓ પર લઈ ગયા એટલું જ નહીં તેમને તેમની નમ્રતા અને પરોપકારનું ઉદાહરણ પણ માનવામાં આવે છે. રતન તાતા ના નેતૃત્વમાં તાતા  જૂથે લક્ઝરી કાર ઉત્પાદક જેગુઆર લેન્ડ રોવરને હસ્તગત કરવાનો ઐતિહાસિક નિર્ણય લીધો હતો. તાતાએ 2.3 બિલિયન ડોલરમાં જેએલઆર હસ્તગત કર્યું હતું. જેગુઆર લેન્ડ રોવરે નાણાકીય વર્ષ 2024માં સૌથી વધુ 29 બિલિયન પાઉન્ડની આવક હાંસલ કરી છે, જેમાં કંપ્નીનું કુલ ડિવિડન્ડ 2.6 બિલિયન પાઉન્ડ છે.
સામાન્ય માણસ પણ કાર ખરીદી શકે તે માટે રતન તાતાએ તાતા નેનો કાર લોન્ચ કરી હતી. ટાટા નેનો કાર વર્ષ 2008માં રજૂ કરવામાં આવી હતી અને તેની કિંમત માત્ર એક લાખ રૂપિયા રાખવામાં આવી હતી. જો કે તાતાના આ પ્રોજેક્ટને અપેક્ષિત સફળતા મળી ન હતી અને વર્ષ 2018માં તેનું ઉત્પાદન બંધ કરી દેવામાં આવ્યું હતું પરંતુ તાતા નેનોએ રતન તાતાના પરોપકારી અને સમાજ-વિચારના વ્યક્તિત્વની અદમ્ય નિશાની છે અને આ નિર્ણય માટે તેમને હંમેશા યાદ કરવામાં આવશે.
તાતા ગ્રુપે 2008માં ટાટા ડોકોમો સાથે ભારતના ટેલિકોમ સેક્ટરમાં પ્રવેશ કર્યો હતો. તાતા જૂથની કંપ્ની તાતા ટેલિસર્વિસિસે જાપાનની અગ્રણી ટેલિકોમ કંપ્ની એનટીટી ડોકોમો સાથે ભાગીદારીમાં તાતા ડોકોમોની શરૂઆત કરી. તાતા ડોકોમો દ્વારા જ તાતાએ ભારતીય ગ્રાહકો માટે ઓછી ટેરિફ યોજનાઓ રજૂ કરી હતી. જેના કારણે મોબાઈલ ફોન પર વાત સામાન્ય માણસ માટે સુલભ બની ગઈ છે. વર્ષ 2010માં તાતા  ડોકોમો સેવા શરૂ કરનાર પ્રથમ ખાનગી કંપ્ની બની. જો કે ખોટને કારણે ગ્રુપ્ને આ કંપ્ની બંધ કરવી પડી હતી અને વર્ષ 2017માં તાતા  ડોકોમોએ તેનો બિઝનેસ ભારતી એરટેલને વેચી દીધો હતો.