આવતીકાલે હિન્દુ ધર્મનો પવિત્ર તહેવાર પૈકીનો એક તહેવાર એટલે રક્ષાબંધન ભાઇ-બહેનના આ પવિત્ર તહેવારમાં જામનગરની માર્કેટમાં અવનવી રાખડીઓ આવી છે, શ્રાવણ સુદ પૂનમના રક્ષાબંધન પર્વની ઉજવણી કરવામાં આવે છે, માર્કેટમાં બાળકોથી લઇ મોટેરા સુધીની અલગ અલગ ઉંમરના લોકો માટે વિવિધ ડીઝાઇનોમાં રાખડીઓની અનેક વેરાયટીઓ આવી છે, ખાસ કરીને બાળકો માટેની રાખડીમાં લાઇટવાળી રાખડી, કાર્ટુન રાખડીઓમાં મોટુ પતલુ, પીકાચુ, સ્પાઇડરમેન, મીકી માઉસ, ટવીટ બર્ડસ સહિતની તેમજ મોટેરાઓ માટે ગણપતિ, સાથીયો, શ્રી રાધે સહિતના લખાણો વાળી રાખડીઓ અને પૌરાણિક પરંપરાગત રાખડીઓ ઉપલબ્ધ છે. જે બજારમાં રુા. ૩ થી લઇ પ૦૦ સુધીની વેચાઇ રહી છે.