અમેરિકા અને વેસ્ટ ઈન્ડિઝ દ્વારા સંયુક્ત રીતે આયોજિત આઈસીસી ટી-20 વર્લ્ડ કપ 2024 અત્યાર સુધી વરસાદને કારણે ખરાબ રીતે પ્રભાવિત થયો છે. ફ્લોરિડામાં વરસાદને કારણે શનિવાર સુધીની ત્રણ ગ્રુપ મેચો ધોવાઈ ગઈ હતી. હવે ટૂનર્મિેન્ટ સુપર-8માં પહોંચી ગઈ છે, પરંતુ આઈસીસીની મુસીબતો ઓછી થઈ રહી નથી. સુપર-8ની તમામ મેચો વેસ્ટ ઈન્ડિઝમાં રમાશે, પરંતુ એક રિપોર્ટ અનુસાર આ તમામ મેચમાં પણ વરસાદ બાધા બની શકે છે. સુપર-8માં ભારત પહેલા મેચમાં અફઘાનિસ્તાન સામે ટકરાશે.

17 જૂને વેસ્ટ ઈન્ડિઝ અને અફઘાનિસ્તાન વચ્ચેની મેચ સાથે સમાપ્ત થશે. આ પછી એક દિવસનો વિરામ રહેશે, ત્યારબાદ 19 જૂનથી સુપર-8 મેચ રમાશે. આ રાઉન્ડમાં કુલ 8 ટીમો ભાગ લેવા જઈ રહી છે જેમાંથી 7 ટીમોના નામ ક્ધફર્મ થઈ ગયા છે. જો બાંગ્લાદેશની ટીમ નેપાળ સામેની મેચ જીતશે તો તે આ રાઉન્ડમાં આઠમી ટીમ હશે. જ્યારે બાંગ્લાદેશ હારશે તો તેનો નિર્ણય શ્રીલંકા અને નેધરલેન્ડ વચ્ચેની મેચ પર થશે. હવે સુપર-8 શરૂ થવામાં માત્ર 3 દિવસ બાકી છે.

સુપર-8માં કુલ 8 ટીમો હશે, જેને ચાર-ચારના બે ગ્રૂપમાં વહેંચવામાં આવી છે. દરેક ગ્રુપમાંથી ટોચની બે ટીમોને સેમિફાઇનલમાં સ્થાન મળશે. ગ્રુપ-એમાં ભારત, ઓસ્ટ્રેલિયા, અફઘાનિસ્તાન, બાંગ્લાદેશ છે. જ્યારે ગ્રુપ-બીમાં વેસ્ટ ઈન્ડિઝ, ઈંગ્લેન્ડ, અમેરિકા અને દક્ષિણ આફ્રિકા છે.જો સુપર-8 ગ્રૂપ પર નજર કરીએ તો ભારતીય ટીમને સેમિફાઇનલમાં જગ્યા બનાવવામાં વધારે મુશ્કેલી ન હોવી જોઈએ. ટીમ ઈન્ડિયામાટે ઓસ્ટ્રેલિયા સૌથી મોટો પડકાર સાબિત થઈ શકે છે. અફઘાનિસ્તાન અને બાંગ્લાદેશ પણ આ ગ્રુપમાં છે, પરંતુ ટીમ ઈન્ડિયાનો આ બંને ટીમો સામે સારો રેકોર્ડ છે.

સુપર-8માં કુલ 12 મેચો રમાશે, જે વેસ્ટ ઈન્ડિઝ, બાબર્ડિોસ, સેન્ટ લુસિયા, સેન્ટ વિન્સેન્ટ અને એન્ટિગુઆના ચાર સ્થળોએ યોજાશે. યુકેના મેટ ડિપાર્ટમેન્ટ અને વેધર ચેનલના રિપોર્ટ અનુસાર આ તમામ મેચ દરમિયાન વરસાદનું જોખમ છે.ટી-20 વર્લ્ડ કપ્ના સુપર-8 રાઉન્ડમાં ભારત ગ્રુપ-1માં છે. ભારતીય ટીમ તેની પ્રથમ મેચ 20 જૂને બાબર્ડિોસમાં અફઘાનિસ્તાન સામે રમશે. આ પછી, ટીમ ઈન્ડિયાની આગામી મેચ 22 જૂને એન્ટિગુઆમાં બાંગ્લાદેશ/નેધરલેન્ડ્સ સામે થશે. ભારત આ રાઉન્ડની ત્રીજી મેચ ઓસ્ટ્રેલિયા સામે 24 જૂને સેન્ટ લુસિયામાં રમશે.
ટૂનર્મિેન્ટની શરૂઆત પહેલા જ આઈસીસીએ સીડીંગ દ્વારા ગ્રુપથી લઈને વેન્યુ અને તારીખો સુધી બધુ ફિક્સ કરી દીધું હતું. પ્રથમ રાઉન્ડમાં ટોપ કરવાનો કોઈ ફાયદો નથી. સુપર-8માં તમામ ટીમો તેમની મેચો પૂર્વ નિર્ધિરિત ગ્રુપ, સ્થળ અને તારીખ પર જ રમશે. આમાં કોઈ ફેરફાર થશે નહીં. મતલબ કે પ્રથમ રાઉન્ડ દરમિયાન જે ગ્રુપમાંથી સુપર-8ની બે ટીમો નક્કી કરવામાં આવી છે તેની બાકીની મેચોનું કોઈ મહત્વ નથી.