જેતપુરમાં અમરનગર રોડ પર મંત્રી સોસાયટીમાં રહેતા શખસના મકાનમાં ચાલતા જુગારધામ પર પોલીસે દરોડો પાડી ચાર શખસોને જુગાર રમતા ઝડપી લીધા હતાં.પોલીસે રોકડ રકમ,ચાર મોબાઇલ ફોન અને બાઇક સહિત કુલ .૩૭,૮૯૦ નો મુદામાલ કબજે કર્યેા હતો.
જુગારના આ દરોડાની જાણવા મળતી વિગતો મુજબ,જેતપુર સિટી પોલીસ મથકના પીઆઇ એ.ડી.પરમારની રાહબરી હેઠળ ટીમ પેટ્રોલીંગમાં હતી દરમિયાન કોન્સ. સગારભાઇ ઝાપડીયા અને શકિતસિંહ ઝાલાને મળેલી બાતમીના આધારે જેતપુર અમરનગર રોડ પર મંત્રી સોસાયટી અભિષેક પાર્ક બ્લોક નં.ડી માં રહેતો મુકેશ દેવરના મકાનમાં દરોડો પાડી અહીં જુગાર રમતા ચાર શખસોને ઝડપી લીધા હતાં.પોલીસે પટમાંથી રોકડ .૧૦,૮૯૦ તથા ચાર મોબાઇલ એક બાઇક સહિત કુલ . ૩૭,૮૯૦ નો મુદમાલ કબજે કર્યેા હતો. જુગાર રમતા ઝડપાયેલા શખસોમાં મકાનમાલિક મુકેશ પંડીતભાઇ દેવરે ઉપરાંત સંતોષ દયારામભાઇ પાટીલ, ધીરજ કૈલાશભાઇ પાટીલ અને યુવરાજ દગડુભાઇ પાટીલનો સમાવેશ થાય છે.પોલીસે તેની સામે જુગારધારાની કલમ હેઠળ ગુનો નોંધી કાયદેસરની કાર્યવાહી કરી હતી.