પંજાબના ફિરોઝપુરમાં કારગર ગુરુદ્વારા સાહિબ પાસે ફાયરિંગની ઘટના સામે આવી છે. આ ફાયરિંગમાં 3 લોકોના મોત થયા છે. મળતી માહિતી અનુસાર, અહીં બાઇક સવાર બે લોકોએ એક કાર પર ગોળીબાર કર્યો હતો. આ દરમિયાન કારની અંદર ચાર લોકો બેઠા હતા અને તેમાંથી ત્રણના મોત થયા હતા.

મળતી માહિતી મુજબ, જ્યારે કેટલાક લોકો ગુરુદ્વારામાંથી બહાર આવ્યા અને કારમાં બેસવા ગયા ત્યારે ત્યાં હાજર બાઇક સવાર હુમલાખોરોએ જોરદાર ગોળીબાર શરૂ કરી દીધો હતો. કહેવામાં આવી રહ્યું છે કે, હુમલાખોરોએ અનેક રાઉન્ડ ફાયરિંગ કર્યું હતું. ઘટનાને અંજામ આપ્યા બાદ હત્યારાઓ બાઇક પર ફરાર થઇ ગયા હતા. હાલ પોલીસે આ કેસની તપાસ શરૂ કરી છે અને હત્યારાઓની શોધ ચાલી રહી છે. હાલમાં, વિગતોની રાહ જોવાઈ રહી છે.