દેશની સૌથી મોટી તપાસ એજન્સી કેન્દ્રીય અન્વેષણ બ્યૂરો (સીબીઆઈ) ૨૦૨૩માં ૭૧.૪૭ % કેસમાં ગુનેગારોને કોર્ટમાં સજા અપાવવામાં સફળ રહી છે. પરંતુ ભ્રષ્ટ્રાચારના ૪૮ કેસમાં પાંચ વર્ષથી વધુ સમયથી એજન્સી પાસે તપાસ માટે વિલબં થઈ રહ્યો છે. સીબીઆઈના કામકાજ પર નજર રાખનાર કેન્દ્રીય તકેદારી કમિશન (સીવીસી)ના રિપોર્ટમાં આ માહિતી આપવામાં આવી છે. વર્ષ ૨૦૨૩ના રિપોર્ટ અનુસાર, સીબીઆઈના કોર્ટમાં કુલ ૧૦,૯૫૯ કેસ બાકી પડા છે. તેમાં ભ્રષ્ટ્રાચારના ૬,૯૦૩ પ્રકરણોમાંથી ૩૬૧ કેસમાં ૨૦ વર્ષથી વધુ સમયથી બાકી છે. તેમજ ગત ૧૦ વર્ષમાં કોર્ટમાં ૨૪૬૧ કેસ બાકી પડા છે. સીવીસીએ આ રિપોર્ટને ચિંતાજનક ગણાવ્યો છે.
રિપોર્ટમાં કહેવામાં આવ્યું છે કે, સીબીઆઈએ કેસ નોંધાયાના એક વર્ષમાં તપાસ પુરી કરવી જોઈએ. આ કેસ નોંધાવાથી તપાસ, સક્ષમ અધિકારી પાસેથી કાર્યવાહી સ્વિકૃતી પ્રા કરી કોર્ટમાં ચાર્જશીટ રજૂ કરવા સુધીનો સમય છે. પરંતુ કેટલાક કેસમાં એવું થઈ રહ્યું નથી.
આ કારણે સમયસર નથી થઈ રહી તપાસ
વધુ પ્રમાણમાં કામ, અપૂરતો સ્ટાફ, પત્રના જવાબમાં વિલંબ, બેંક અને છેતરપિંડી વગેરે આર્થિક ગુનાના મામલામાં વધુ રેકોર્ડ અને તપાસ કરવા, સાક્ષી અંગે તપાસ કરવી અને પૂછપરછમાં વધુ સમય કાર્યવાહી સ્વીકૃતીમાં વિલંબ.