અમેરિકન નવલકથાકાર પર્સીવલ એવરેસ્ટની નવલકથા જેમ્સને સાહિત્ય માટે પુલિત્ઝર પુરસ્કાર મળ્યો છે. આ નવલકથા ધ એડવેન્ચર્સ ઓફ હકલબેરી ફિનનું એક નવું અને અનોખું પુનર્કથન છે, જે એક ગુલામની નજર દ્વારા કહેવામાં આવ્યું છે. વધુમાં, બ્રાન્ડેન જેકબ્સ-જેનકિન્સના નાટક પર્પઝને પુલિત્ઝર પુરસ્કાર મળ્યો છે. આ નાટક એક શ્રીમંત કાળા પરિવાર વિશે છે જે પોતાના આંતરિક સંઘર્ષોનો સામનો કરે છે. ગયા અઠવાડિયે તેને ટોની એવોર્ડ્સ માટે છ વખત નોમિનેટ કરવામાં આવ્યું હતું.

પત્રકારત્વમાં ચાર ઉત્કૃષ્ટ કાર્ય માટે ધ ન્યૂ યોર્ક ટાઈમ્સ, ત્રણ માટે ધ ન્યૂ યોર્કર અને રાષ્ટ્રપતિ ટ્રમ્પ પર હત્યાના પ્રયાસના સમાચારના વિગતવાર કવરેજ માટે ધ વોશિંગ્ટન પોસ્ટને પુલિત્ઝર પુરસ્કાર 2025 માટે પસંદ કરવામાં આવ્યા છે.

સતત બીજા વર્ષે, પ્રોપબ્લિકાને પુલિત્ઝર ડિસ્ટિંગ્વિશ્ડ પબ્લિક સર્વિસ મેડલ મળ્યો. ગર્ભવતી મહિલાઓ પરના અહેવાલ માટે કવિતા સુરાણા, લિઝી પ્રેસર, કેસાન્ડ્રા જારામિલો અને સ્ટેસી ક્રેનિટ્ઝને સન્માનિત કરવામાં આવ્યા હતા. કડક ગર્ભપાત કાયદા ધરાવતા યુએસ રાજ્યોમાં ડોકટરો દ્વારા તાત્કાલિક સંભાળ પૂરી પાડવામાં વિલંબને કારણે આ મહિલાઓના મૃત્યુ થયા હતા.

પુલિત્ઝર અનુસાર, ધ વોશિંગ્ટન પોસ્ટે ટ્રમ્પની હત્યાના પ્રયાસનું તાત્કાલિક બ્રેકિંગ ન્યૂઝ કવરેજ પૂરું પાડ્યું હતું. તેથી તેને એવોર્ડ માટે પસંદ કરવામાં આવ્યો છે. એન ટેલ્નેસને પુલિત્ઝર એનાયત કરાયો હતો. જાન્યુઆરીમાં ધ વોશિંગ્ટન પોસ્ટે તેમના સંપાદકીય કાર્ટૂન પ્રકાશિત કરવાનો ઇનકાર કર્યા પછી તેમણે છોડી દીધું. પુલિત્ઝરએ તેમની નિર્ભયતાની પ્રશંસા કરી. આ ઉપરાંત પત્રકારત્વ અને કલા જગતના વ્યક્તિઓનું પણ સન્માન કરવામાં આવ્યું છે.