૮ર આસામીઓ પાસેથી સ્થળ પર રુા. ૭પર૦૦ કરી વસુલાત

જામનગર મહાનગરપાલિકા દ્વારા રીબેટ યોજના શરુ થાય એ પહેલા જ ફરીથી મિલ્કત વેરો અને પાણી વેરો ન ભરનાર આસામીઓ સામે કડક પગલા શરુ કરી દેવામાં આવ્યું છે, જેના ભાગરુપે બી.એન. મોદીની સૂચનાથી ટેકસ વિભાગના અધિકારી, કર્મચારી દ્વારા વેરો ન ભરનારા ૧૬ જેટલા આસામીઓ સામે કડક પગલા લઇને તેની મિલ્કત જપ્ત કરી છે. એટલું જ નહીં બે આસામીઓ પાસેથી રુા. ૭પર૦૦ ની વસુલાત કરી છે.
જામનગર મહાનગરપાલિકા મિલ્કત વેરા શાખા દ્વારા તા. ૩૧-૩-૨૦૨૩ સુધીનો બાકી મિલ્કત વેરો ન ભરનાર મિલ્કતધારકોને નિયમાનુસાર વોરંટ તથા અનુસુચિત બજવણી કરેલ હોય તેમજ વારંવાર રુબરુ જણાવવા છતાં પણ મિલ્કત વેરો ન ભરનાર બાકીદારોની તા. ૨૮-૦૬-૨૦૨૩ ના રોજ કુલ-૧૬ મિલ્કતોને જપ્તીમાં લેવામાં આવેલ છે. તેમજ સ્થળ પર બે આસામીઓ પાસેથી રુા. ૭પર૦૦ ની વસુલાત કરવામાં આવેલ છે.
ઉપરોક્ત રીકવરીની કામગીરી કમિશ્નરની સૂચના અનુસાર આસી. કમિશ્નર (ટેકસ) ના માર્ગદર્શન હેઠળ અલગ અલગ વોર્ડવાઇઝ રીકવરી ટીમો દ્વારા કરવામાં આવેલ.
જામનગર મહાનગરપાલિકા દ્વારા આગામી દિવસોમાં મિલ્કત વેરા બાકીદાર આસામીઓ સામે વધુ કડક કાર્યવાહી કરવામાં આવનાર હોય, તાત્કાલિક બાકી મિલ્કત વેરો ભરપાઇ કરવા મિલ્કત વેરા બાકીદાર આસામીઓને જાણ કરવામાં આવે છે.