પોતાનું પ્રોડક્શન હાઉસ ચલાવતા અભિનેતા જ્હોન અબ્રાહમનું દર્દ છલકાયું કહ્યું હું ગેમ ચેન્જર છું, હું પ્રયાસ કરવા માંગુ છું

જ્હોન અબ્રાહમનું પોતાનું પ્રોડક્શન હાઉસ છે અને તે ફિલ્મોનું નિર્માણ પણ કરે છે. હાલમાં જ્હોન અબ્રાહમે જણાવ્યું હતું કે મેકર્સ તેના મેસેજને ઇગ્નોર કરે છે. કારણ કે તેઓ હજુ પણ એક્ટરના ફિલ્મ મેકિંગ પર વિશ્વાસ કરતા નથી.જહોન કહે છે કે હું મારી ઔકાત થી વધુ ફી નથી લેતો તો પણ પ્રોડ્યુસર્સને મારા પર ભરોસો નથી.
બોલિવૂડ સ્ટાર જ્હોન અબ્રાહમ છેલ્લા બે દાયકાથી ફિલ્મ ઈન્ડસ્ટ્રીમાં એક્ટિવ છે. તે માત્ર એક શાનદાર એક્ટર જ નથી પણ પ્રોડ્યુસર પણ છે. હાલમાં જ જ્હોન અબ્રાહમે કહ્યું હતું કે આજે પણ મેકર્સ તેના પર અને તેની ફિલ્મ મેકિંગ પર વિશ્વાસ કરતા નથી. તે કહે છે કે આજે પણ તેને તેની ફિલ્મો માટે સપોર્ટ માટે સંઘર્ષ કરવો પડે છે, કારણ કે પ્રોડક્શન હાઉસના લોકો તેના મેસેજ ઇગ્નોર કરે છે
જ્હોન અબ્રાહમે તેની ફી વિશે પણ વાત કરી હતી. તેણે કહ્યું, ‘એક્ટર તરીકે હું મારી ઔકાતથી વધારે ફી માંગતો નથી. મને લાગે છે કે જો ફિલ્મ કમાણી કરશે તો હું પણ કમાણી કરીશ. હું ફિલ્મ પર કોઈપણ પ્રકારનો બોજ નાખવા માંગતો નથી. તેથી મારું સ્ટેટસ ગમે તે હોય, મારું જે પણ સ્ટાન્ડર્ડ હોય, તે પ્રમાણે હું ફિલ્મો બનાવું છું.


મને મારા કન્ટેન્ટ પર ગર્વ છે.
જ્હોન અબ્રાહમે ખુલાસો કર્યો કે સ્ટુડિયો ઘણીવાર તેને જવાબ આપતા નથી. તેણે કહ્યું, ‘હું વોટ્સએપનો ઉપયોગ કરતો નથી. જો હું SMS મોકલીશ, તો તેઓ મને જવાબ આપતા નથી. મેં સ્ટુડિયો ચીફને મેસેજ કર્યો અને તેણે મને કહ્યું કે તે મને જણાવશે.4-5 મહિના વીતી ગયા, પણ તેણે જવાબ ન આપ્યો. મને ખરાબ નથી લાગતું, પણ મને ઓછામાં ઓછો જવાબ મળવો જોઈએ. હું માનું છું કે જો લોકો મારા પર થોડો વિશ્વાસ કરશે તો હું પ્રયત્ન કરીશ અને હું ઇન્ડિયન ફિલ્મ ઇન્ડસ્ટ્રીમાં થોડોક ફેરફાર લાવી શકીશ. હું એવું નથી કહેતો કે હું ગેમ ચેન્જર છું, પરંતુ હું પ્રયાસ કરવા માંગુ છું.
વર્ક ફ્રન્ટની વાત કરીએ તો જ્હોન અબ્રાહમ ટૂંક સમયમાં ફિલ્મ ‘વેદ’માં જોવા મળશે, જેમાં તેણે શર્વરી વાઘ અને અભિષેક બેનર્જી સાથે કામ કર્યું છે. આ ફિલ્મ 15 ઓગસ્ટ, 2024ના રોજ સિનેમાઘરોમાં આવશે.