બ્રિટનની દિવંગત પ્રિન્સેસ ડાયનાએ તેમના ભૂતપૂર્વ ઘરકામ કરનાર મૌડ પેન્ડ્રેને લખેલા પત્રો અને પોસ્ટકાડર્સના સંગ્રહની ૨૭ જૂને યુએસએના બેવર્લી હિલ્સમાં હરાજી કરવામાં આવશે. આ સંગ્રહમાં ડાયનાએ ૧૯૮૧માં તત્કાલિન પ્રિન્સ ચાલ્ર્સ સાથેના લ પછી લખેલા પત્રોનો સમાવેશ થાય છે.
આ સંગ્રહમાં ૧૪ ક્રિસમસ અને ન્યૂ યર કાર્ડનો સમાવેશ થાય છે, ન્યૂ યોર્ક પોસ્ટ અહેવાલ આપે છે. આનું વિનિમય ૧૯૮૧–૧૯૮૫ દરમિયાન થયું હતું. મૌડ પેન્ડ્રે એલ્થોર્પ, નોર્થમ્પટનશાયર ખાતેના સ્પેન્સર પરિવારના ઘરના ભૂતપૂર્વ ઘરની સંભાળ રાખનાર હતા. અહેવાલમાં કહેવામાં આવ્યું છે કે પત્રવ્યવહારની આ શ્રેણી રાજકુમારીની માનવતાને ઉજાગર કરે છે. આ પત્રોમાં ડાયના દ્રારા સહી થયેલ છે.

શાહી લેટરહેડ પર શાહીથી લખાયેલ ૮ સપ્ટેમ્બર, ૧૯૮૨ના હસ્તલિખિત પત્રમાં ચાલ્ર્સ સાથે હનીમૂનનો ઉલ્લેખ છે. તેના પ્રથમ પુત્ર વિલિયમના જન્મ પર, ડાયનાએ અન્ય એક પત્રમાં પોતાને ખૂબ જ ભાગ્યશાળી માતા તરીકે વર્ણવી હતી. તેણે લખ્યું કે પ્રિન્સ વિલિયમે તેને અપાર ખુશીઓ આપી છે.પ્રિન્સેસ ડાયના દ્રારા લખાયેલા ૩૨ પત્રોના સંગ્રહની ગત વર્ષે બ્રિટનના કોર્નવોલમાં ૧,૪૫,૫૫૦ પાઉન્ડ (લગભગ ૧.૫૪ કરોડ પિયા)માં હરાજી કરવામાં આવી હતી. આ પત્રો તેના બે નજીકના મિત્રો સુસી અને તારેક કાસેમને લખવામાં આવ્યા હતા. ડાયના ૧૯૯૨માં ચાલ્ર્સથી અલગ થઈ ગયા હતા. ૧૯૯૭ માં પેરિસમાં એક કાર અકસ્માતમાં તેનું મૃત્યુ થયું હતું