મખાના ખાવાથી હાડકાં મજબૂત થાય છે. તેમાં કેલ્શિયમ ભરપૂર માત્રામાં જોવા મળે છે. તેનાથી પુખ્ત વયના લોકોથી લઈને બાળકો સુધી દરેકને ફાયદો થાય છે. મખાના ખાવાથી શરીરને ઈન્સ્ટન્ટ એનર્જી મળે છે અને બીજી તરફ તેનાથી વજન અને તણાવ પણ ઓછો થાય છે. એટલે કે નાસ્તા માટે મખાના એક ઉત્તમ વિકલ્પ છે. તો ચાલો જાણીએ નાસ્તામાં મખાનાની આ ટેસ્ટી રેસિપી કેવી રીતે બનાવવી?

.

મખાના અને દહીંના રાયતા માટેની સામગ્રી:

1 કપ શેકેલા મખાના, અડધો કપ દહીં, અડધો કપ દાડમના દાણા, ઝીણી સમારેલી કોથમીર, 1 ચપટી જીરું પાવડર, ચપટી કાળા મરી, ચપટી લાલ મરચું પાવડર અને મીઠું.

મખાનાને શેકતા અથવા તળતા પહેલા તેને સ્વચ્છ કપડામાં લપેટીને 5 મિનિટ માટે પલાળી રાખો જેથી કરીને તે નરમ થઈ જાય. દહીંને રેફ્રિજરેટરમાં રાખો જેથી કરીને રાયતુ  ઠંડુ અને તાજું રહે.

મખાના અને દહીંના રાયતા માટેની રેસીપી:

 સ્ટેપ 1:

મખાના બનાવવા માટે પહેલા મખાનાને શેકી લો. પેન ગરમ થયા બાદ તેમાં અડધી ચમચી ઘી ઉમેરો અને પછી મખાના ઉમેરીને બરાબર શેકી લો.

સ્ટેપ 2:

હવે એક બાઉલમાં દહીં કાઢીને તેને સારી રીતે ફેટ કરો. હવે અડધો કપ દાડમના દાણા, ઝીણી સમારેલી કોથમીર, 1 ચપટી જીરું પાવડર, એક ચપટી કાળા મરી, એક ચપટી લાલ મરચું પાવડર, મીઠું નાખીને બરાબર મિક્ષ કરી લો.

સ્ટોપ 3:

હવે  છેલ્લે, શેકેલા મખાના ઉમેરો અને ફરી એકવાર સારી રીતે મિક્સ કરો. હવે મખાનાનું રાયતુ તૈયાર છે. તેને સર્વ કરો અને તેની મજા લો.

રાયતુ ને તરત જ સર્વ કરો જેથી મખાના ભીંજાઈ ન જાય. આ કચુંબર તમારા નાસ્તા માટે એક સ્વાદિષ્ટ અને પૌષ્ટિક વિકલ્પ હશે!