દેવભૂમિ દ્વારકા જિલ્લામાં આગામી સમયમાં યોજાનારી સલાયા, ભાણવડ અને દ્વારકા નગરપાલિકાની સામાન્ય ચૂંટણી અને ખંભાળિયાના ભરાણા, અને કલ્યાણપુર તાલુકાના જુવાનપુર, તાલુકા પંચાયતોની પેટા ચૂંટણી અન્વયેની બનાવેલી મતદારયાદીની પ્રાથમિક પ્રસિધ્ધિ જાહેર જનતા જોઇ શકે તેવી રીતે કરવામાં આવી છે.

જેમાં સલાયા નગરપાલિકાની સામાન્ય ચૂંટણી માટે મતદારયાદી નગરપાલિકા કચેરીની ચૂંટણી શાખા તથા વાઘેરવાસ પ્રાથમિક શાળા ખાતે જોઈ શકાશે. ભાણવડ નગરપાલિકાની સામાન્ય ચૂંટણી માટે મતદારયાદી નગરપાલિકા કચેરીના નોટીસ બોર્ડ ઉપર અને મામલતદાર કચેરી ખાતે ઉપરાંત દ્વારકા નગરપાલિકા યાદી નગરપાલિકા કચેરીના નોટીસ બોર્ડ ઉપર તથા મામલતદાર કચેરીના નોટીસ બોર્ડ ઉપર જોઈ શકાશે.

ભરાણા બેઠકની તાલુકા પંચાયત પેટા ચૂંટણી અન્વયે ખંભાળિયાની તાલુકા પંચાયત કચેરીએ તેમજ તેમાં સમાવિષ્ટ ગામો મોટા આંબલા, નાના આંબલા, ભરાણા ખાતે જ્યારે કલ્યાણપુર તાલુકાના જુવાનપુરની બેઠક માટે તેમા સમાવિષ્ટ ગામો જુવાનપુર, સીદસરા(માનપરા), મેઘપર ટીટોડી, સીદસરા (ઉદેપુર) ખાતે મતદારયાદીની પ્રાથમિક પ્રસિધ્ધિ કરવામાં આવી છે.