પંચાયતોની આગામી ચૂંટણીના અનુસંધાને ભાજપ–કોંગ્રેસે સ્ટાર પ્રચારકોનું લિસ્ટ જાહેર કયુ છે. ભાજપના લિસ્ટમાં યુવા ભાજપના પ્રદેશ પ્રમુખ પ્રશાંત કોરાટનું નામ છે પરંતુ ધારાસભ્ય જયેશ રાદડિયાનું નામ નથી. જેતપુર નગરપાલિકાની ચૂંટણીમાં વર્તમાન પ્રમુખ સુરેશ સખરેલિયા અને અલ્પેશ વાંકના નામની બાદબાકીમાં પ્રશાંત કોરાટ પર ઠીકરું ફોડવામાં આવ્યા પછી હવે પ્રશાંત કોરાટને જ સ્ટાર પ્રચારક બનાવવામાં  આવતા રાજકારણમાં તેની ચર્ચા થઈ રહી છે.
સ્થાનિક સ્વરાયની સંસ્થાઓની ચૂંટણીમાં ઉમેદવારી પત્ર પરત ખેંચાયા બાદ ચિત્ર સ્પષ્ટ્ર થયું છે ૧૮% ઉમેદવારી પત્રો રદ થયા ૧૦% બેઠકો બિનહરીફ થઈ ૫૦૮૪ માંથી ૧,૯૬૫ ઉમેદવારોને વિજય બનાવવા માટે થઈને ભારતીય જનતા પાર્ટી અને કોંગ્રેસ ના સ્ટાર પ્રચારક ની ફોજ મેદાનમાં ઉતારવામાં આવશે આ માટેની યાદી બંને રાજકીય પક્ષો દ્રારા જાહેર કરી દેવામાં આવી છે. પ્રચાર માટે દરેક રાજકીય પક્ષોને નવ દિવસ મળી રહ્યા છે આ દિવસો દરમિયાન સૌથી વધુ પ્રચાર પ્રસાર કરીને જગં જીતવાનો પ્રયાસ થશે.
રાજય ચુંટણી આયોગ દ્રારા અધિકૃત ઉમેદવારોના નામોની યાદી જાહેર કર્યા બાદ ભાજપ કોંગ્રેસ પોતાના પક્ષમાંથી ૨૦–૨૦ પ્રચારકોની યાદી જાહેર કરી છે ભાજપ પ્રદેશ અધ્યક્ષ સી આર પાટીલ ભુપેન્દ્ર પટેલ સહિતના આગેવાનો ચૂંટણીમાં ચાર પ્રચારક તરીકે જાહેર સભાઓ કરશે. યારે કોંગ્રેસમાંથી રાયસભાના સાંસદ પ્રદેશ અધ્યક્ષ શકિતસિંહ ગોહિલ અમિત ચાવડા સહિતના આગેવાનોના સભા ગજવશે  રાજકીય પક્ષો નવ દિવસ સુધી પ્રચાર પ્રસાર કરી ને જીત માટેના પ્રયાસો કરશે