70 થી વધુ પોલ ઊભા કરીને 18 ગામોમાં વીજપુરવઠો પુનઃ સ્થાપિત કરાયો

દેવભૂમિ દ્વારકા જિલ્લામાં ભારે વરસાદને લીધે સંખ્યાબંધ વીજ પોલ પડી જવાથી તેમજ અન્ય કારણોને લીધે વીજ પુરવઠો પ્રભાવિત થયો છે. આ પરિસ્થિતિમાં નવા પોલ ઊભા કરીને તેમજ અન્ય કામગીરી દ્વારા વીજ પુરવઠો પુનઃ સ્થાપિત કરવાની કામગીરી પીજીવીસીએલ તંત્ર દ્વારા પૂરજોશમાં ચાલી રહી છે.

આ અંતર્ગત ખંભાળિયા તાલુકાના જુદા જુદા ગામોમાં વીજ પુરવઠો પૂર્વવત કરવા માટે તૂટી ગયેલા થાંભલાઓને દૂર કરીને 70 થી વધુ પોલ લગાવવાની કામગીરી પૂર્ણ કરવામાં આવી હતી. જેના કારણે 18 જેટલા ગામોમાં વીજ પુરવઠો પૂર્વવત કરવામાં આવ્યો છે. બાકી રહેતા કેટલાક ગામોમાં પણ આ કામગીરી પૂરજોશમાં હાથ ધરવામાં આવી રહી હોવાનું ખંભાળિયા પી.જી.વી.સી.એલ.ની વિભાગીય કચેરી દ્વારા જણાવાયું છે.