પોરબંદરમાં સ્ત્રી શિક્ષણ ક્ષેત્રે શ્રેષ્ઠતમ સ્થાન ધરાવનારી ડો.વી.આર.ગોઢાણીયા મહિલા કોલેજ અવ્વલ સ્થાને છે. અને આ કોલેજમાં મેનેજિંગ ટ્રસ્ટી તરીકે પોરબંદરના ધારાસભ્ય અર્જુનભાઈ મોઢવાડિયા વર્ષોથી સેવા આપી રહ્યા છે.અને આ કોલેજમાં જુદા જુદા પ્રકારના કાર્યક્રમનું આયોજન થાય છે ત્યારે તેઓ અચુક હાજરી આપે છે.તાજેતરમાં અહીંયા રાસગરબાનું આયોજન કરવામાં આવ્યુ હતુ,સંસ્થાના પ્રમુખ ડો.વિરમભાઈ ગોઢાણીયા સહિત મહાનુભાવો ઉપસ્થિત રહ્યા હતા.આ પ્રસંગે અર્જુનભાઈ મોઢવાડિયાએ ડો.વિરમભાઈ ગોઢાણીયા સાથે દાંડીયારાસ રમવાની મજા માણી હતી અને વિદ્યાર્થીનીઓને પ્રોત્સાહિત કરી હતી. કોલેજના પ્રિન્સિપાલ ડો.કેતન શાહના નેતૃત્વમાં સમગ્ર આયોજન સફળ થયુ હતુ.