પોરબંદર એન્ટી કરપ્શન બ્યુરોએ માંગરોળના મકતુપુર ચેકપોસ્ટ પરથી માંગરોળ મરીન પોલીસ મથકના પોલીસ કોન્સ્ટેબલને ૬૫૦૦ ‚ા.ની લાંચ લેતા રંગે હાથ પકડી લીધો હતો.
માંગરોળ મરીન પોલીસ મથકનો આર્મ્ડ પોલીસ કોન્સ્ટેબલ ચંદ્રસિંહ કારુભાઇ સીસોદીયા માંગરોળની મકતુપુર ચેકપોસ્ટ પાસે ૬૫૦૦ ‚ાની લાંચ સ્વીકારતા પોરબંદર એ.સી.બી. પોલીસ ઇન્સપેકટર બી.કે.ગમારની ટ્રેકમાં ફસાઇ ગયો હતો જેની વિગત એવી છે કે ફરીયાદીના કાકાના દીકરાની ટ્રક પોરબંદરથી બોકસાઇટ ભરીને અમરેલી જતી હતી અને આ બોકસાઇટની ટ્રકમાં રોયલ્ટી પાસ તથા નિયમ પ્રમાણે અન્ડરલોડ હોવા છતા કોન્સ્ટેબલ ચંદ્રસિંહ સીસોદીયા આવી ટ્રકને રોકતો હતો ત્યારબાદ તેને મળતા એક ટ્રક દીઠ ૫૦૦ ‚ા હપ્તો આપવો પડશે અને ચાર ટ્રકના ચાર મહિનાના ૮૦૦૦ની લાંચની માંગણી કરી હતી અને બંને વચ્ચે થયેલી રકઝકના કારણે અંતે ૬૫૦૦ ‚ા. લાંચ પેટે આપવાનુ નક્કી કર્યુ હતુ તેથી ફરીયાદી લાંચ આપવા માંગતા નહી હોવાથી પોરબંદર એ.સી.બી.નો સંપર્ક કર્યો હતો અને ગઇકાલે મખ્તુપુર ચેકપોસ્ટ પાસે છટકુ ગોઠવવામાં આવ્યુ હતુ. પંચની ‚બ‚માં ફરીયાદી સાથે હેતુલક્ષી વાતચીત કરીને કોન્સ્ટેબલ ચંદ્રસિંહ સીસોદીયાએ ૬૫૦૦ ‚ા.ની લાંચ સ્વીકારી હતી ત્યારે જ એ.સી.બી.નો કાફલો ત્રાટકયો હતો અને તેને રંગે હાથ પકડી પાડયો હતો તથા ચંદ્રસિંહ સીસોદીયા સામે કાયદેસરની કાર્યવાહી કરી હતી. 
ટ્રેપ કરનાર પોરબંદર એ.સી.બી. પોલીસસ્ટેશનના ઇન્સપેકટર બી.કે.ગમારે સુપરવિઝન અધિકારી ઇન્ચાર્જ મદદનીશ નિયામક જૂનાગઢ એકમ લાંચ ‚શ્વત વિરોધી બ્યુરોના જી.વી. પઢેરીયાના માર્ગદર્શન નીચે આ ટ્રેપ ગોઠવી હતી.