પોરબંદરમાં જુદા-જુદા ગુન્હાઓ અનુસંધાને પકડાયેલા વાહનો લઈ જવામાં તેના માલિકોએ બેદરકારી દાખવતા આ પ્રકારના ૨૧ જેટલા મોટરસાયકલની પોલીસે હરરાજી કરી હતી, જેના એક લાખ બાવીસ હજાર રૂપીયા હતા. જુનાગઢ રેન્જ પોલીસ મહાનિરીક્ષક નિલેષ જાજડીયા તથા પોરબંદર પોલીસ અધિક્ષક ભગીરથસિંહ જાડેજા દ્વારા પોરબંદર જીલ્લામાં મુદામાલ નિકાલ કરવા અંગેની ખાસ સુચના આપેલ. જે અંગે પોરબંદર શહેર વિભાગના એ.એસ.પી. સાહિત્યા વી.ના માર્ગદર્શન હેઠળ કીર્તિમંદિર પોલીસ સ્ટેશન દ્વારા એમ.વી.એક્ટ કલમ ૨૦૭ મુજબ કબ્જે કરવામાં આવેલ કુલ-૨૧ મોટર સાઈકલનું જાહેર હરાજીથી વેચાણ કરવામાં આવ્યુ છે.જે હરાજીમાં ભંગાર અને સ્ક્રેપના કુલ-૩૧ વેપારીઓએ ભાગ લીધો હતો. આ જાહેર હરાજીમાં ‚.૧,૨૨,૦૦૦ ની રકમ પ્રાપ્ત થયેલ છે.