આજીડેમ પોલીસ મથકના સ્ટાફે નંબર પ્લેટ વગરના બાઇક સાથે કાથરોટાના શખસને ઝડપી લીધો હતો.આ બાઇક ચોરાઉ હોવાનું આ શખસે પીતરાઇ ભાઇ સાથે મળી ત્રણ વર્ષ પૂર્વ ચુનારાવાડ ચોક પાસેથી ચોરી કયુ હોવાનું આરોપીએ કબુલાત આપી હતી.પોલીસે ચોરાઉ બાઇક કબજે કરી કાયદેસની કાર્યવાહી કરી હતી.
આજીડેમ પોલીસ મથકના પીઆઇ એ.બી.જાડેજાની રાહબરીમાં પીએસઆઇ જે.જી.રાણા થતા તેમની ટીમ પેટ્રોલીંગમાં હતી દરમિયાન કોન્સ. દેવાભાઇ ધરજીયા અને સંજયરાજ બારોટને મળેલી બાતમીના આધારે નંબર પ્લેટ વગરના હિરો હોન્ડા સાઇન બાઇક સાથે અજય અમરસીભાઇ કુકડીયા(ઉ.વ ૨૧ રહે. કાથરોટા તા. રાજકોટ) ને ઝડપી લીધો હતો.પોલીસે આ શખસની પુછતાછ કરતા આ બાઇક ચોરાઉ હોવાનું માલુમ પડયું હતું.આરોપી અજય અને તેના પિતરાઇ ભાઇ ધર્મેશ કુકડીયાએ મળી ત્રણ વર્ષ પૂર્વે ચુનારાવાડ ચોક પાસેથી આ વાહન ચોરી કર્યાની કબુલાત આપી હતી.જે અંગે બી ડિવિઝન પોલીસ મથકમાં ફરિયાદ થઇ હતી.પોલીસે ચોરાઉ વાહન કબજે કરી ગુનામાં સામેલ અન્ય આરોપીને ઝડપી લેવા તપાસ હાથ ધરી છે.