મેં દવા પી લીધી છે, છેલ્લી વાર જોવો હોય તો આવજો,ભાણેજને ફોન કરી યુવકે હનુમાન મઢી નજીક ઝેરી દવા પી લેતા સારવાર અર્થે ખસેડવામાં આવતા મોત નીપયું છે.
બનાવની પ્રાપ્ત  વિગત મુજબ રાજકોટના રૈયાધારમાં ૧૩ માળિયા કવાર્ટરમાં રહેતો પ્રવીણ સામતભાઇ જાદવ (ઉ.વ.૨૫) નામના યુવકે ગત સાંજે હનુમાન મઢી નજીક આવેલા ચોકમાં ઝેરી દવા પી તેના ભાણેજને ફોન કર્યેા હતો અને ફોનમાં કહ્યું હતું કે, મેં ઝેરી દવા પી લીધી છે, છેલ્લી વાર જોવો હોઈ તો આવજો આ સાંભળી પરિવારજનો દોડી ગયા હતા અને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યો હતો. જયાં ચાલુ સારવાર દરમિયાન દમ તોડી દેતા બનાવ અંગે હોસ્પિટલ ચોકીના સ્ટાફે યુનિવર્સીટી પોલીસને જાણ કરતા પોલીસે હોસ્પિટલ પહોંચી જરી કાર્યવાહી કરી હતી.મૃતક રિક્ષા હંકારતો હતો, બે ભાઈ ચાર બહેનમાં નાનો હતો, સંતાનમાં ચાર વર્ષની પુત્રી છે અને પત્નીને હાલ સારા દિવસો ચાલી રહ્યા છે.
પરિવારજનોએ જણાવ્યું હતું કે, પ્રવીણને ફાકીના વ્યસનના કારણે મોઢું ખુલતું નહતું જેની દવા પણ ચાલુ હતી એમ છતાં કોઈ ફેર પડતો ન હતો આથી પોતાને કેન્સર હશે એવી બીક લાગતા પગલું ભરી લીધું હતું. બનાવથી પરિવારમાં કલ્પાંત સર્જાયો છે