પ્રાચીન કુંડમાં સ્નાનનું અનેરું મહત્ત્વઃ ભક્તોમાં રોષ

દ્વારકામાં ગોમતી નદીના કિનારે મહાપ્રભુજીની બેઠકજી પાસે આવેલ દ્વારકાના હેરીટેજ સ્થળોમાં સમાવિષ્ટ એવા હરિકુંડ આવેલ છે.દ્વારકા પાલિકા દ્વારા જે તે વખતે લાખો રૂપિયાના ખર્ચે હરિકુંડનો વિકાસ કરાયા બાદ જાળવણીના અભાવે લાંબા સમયથી હરિકુંડની દુર્દશા નજરે દેખાય છે.

મહાપ્રભુજીની બેઠકજીના દર્શનાર્થે આવતા વૈષ્ણવો તેમા ખાસ કરીને મહિલાઓ મહાપ્રભુજીના ચરણસ્પર્શ,જારી ભરવા તેમજ સેવા કરતા પહેલા હરિકુંડમાં સ્નાન કરે છે.ત્યારબાદ જ બેઠકજીમાં સેવા પૂજા કરી શકે છે પરંતુ લાંબાસમયથી પ્રાચીન હરિકુંડમાં ફેલાઈ રહેલી ગંદકી તેમજ દુષિત પાણીના ભરાવાને કારણે કુંડમાં સ્નાન કરવું આસ્થાની કસોટી કરાવે છે.ધાર્મિક મહત્વ ધરાવતા દ્વારકાના પ્રાચીન કુંડોમાં સમાવિષ્ટ હરિકુંડની પવિત્રતા જોખમાતી હોય બેઠકજીમાં આવતા વૈષ્ણવો ક્ષોભ અનુભવે છે.હેરિટેજ હરિકુંડની તાત્કાલિક અસરથી સફાઈ કરવા તેમજ દુષિત પાણીનો નિકાલ કરવા સબંધિત વિભાગ્યે ઘટતા પગલા ભરવા જોઈએ તેવી માંગ ઉઠવા પામી છે.