અંતિમ શ્ર્વાસ.....
લોકોના રુવાળા ઉભા કરી દેતી સાધના કોલોનીની દુર્ઘટનામાં કાટમાળ હેઠળ દબાઈને અંતિમ શ્ર્વાસ લેનારા ત્રણ કમભાગીઓના મૃતદેહ આજે જ્યારે ઘરે લાવવામાં આવ્યા અને સામૂહિક અંતિમ સંસ્કાર માટે અંતિમ યાત્રા કાઢવામાં આવી ત્યારે આખું સાધના કોલોની હિબકે ચડ્યું હતું. નિષ્પ્રાણ બનેલા આ ત્રણ દેહ ગઈકાલ સવાર સુધી જીવિત હતાં, પરંતુ આજનો સૂરજ જોઈ શક્યા નથી. એક તો માત્ર ચાર વર્ષનું માસૂમ બાળક છે! આ ત્રણ મૃતદેહ પોકારી-પોકારીને જાણ કહી રહ્યાં છે કે, દુર્ઘટનાના જવાબદારોને છોડતાં નહીં....
**
જામનગરની સાધનાકોલોનીમાં ત્રણ માળની ઇમારત જમીનદોસ્ત થયાની ગોઝારી ઘટનાને તમામ એંગલથી જોવામાં આવી રહી છે ત્યારે એક સવાલ એ પણ ઉઠે છે કે ઇમારતો અત્યંત જર્જરીત થઇ જવા છતાં અને અનેક પોપડા પડતા હોવા છતાં પાયામાં તીરાડો પડી ગઇ હોવા છતાં ઇમારત ગમે ત્યારે પડી જશે એવી ભિતી હોવા છતાં તેમાં રહેતા લોકો પણ કયાંકને કયાંક જવાબદાર તો છે જ.
મહાનગરપાલિકા દ્વારા અનેક નોટીસ આપવા છતાં તેને ઘોળીને પી ગયા અને દુર્ઘટના બનવા સુધી મકાન ખાલી કર્યા નહીં એટલે તેમાં વસવાટ કરતા લોકો પણ વધુ નહીં તો થોડા તો જવાબદાર છે જ.