માધવપુરના ખારડા સીમ વિસ્તારમાં રહેતી યુવતીના લગ્ન કેશોદના અગતરાઇ ગામે થયા હતા અને દિવાળીના તહેવારો દરમ્યાન પીયરીયે આવેલી આ યુવતીએ ગળાફાંસો ખાઇ આત્મહત્યા કરી લેતા અરેરાટી ફેલાઇ છે. માધવપુરની ખારડા સીમ વિસ્તારમાં રહેતા હાસમભાઇ કાસમભાઇ જોખીયા નામના ૭૨ વર્ષના  વૃધ્ધે માધવપુર પોલીસમથકમાં એવુ જાહેર કર્યુ છેકે તેની દીકરી શહેનાઝ ઉ.વ. ૩૫ના લગ્ન કેશોદના અગતરાઇ ગામે રહેતા રસીદ કાસમ હીંગોળા સાથે થયા હતા. અને શહેનાઝે તા. ૨-૧૧ના પિતા  હાસમભાઇના મકાનની પાસે આવેલા ઢાળીયામાં લાકડાની આડીમાં ઓઢણી બાંધી ગળેફાંસો  ખાઇ આપઘાત કરી લેતા આગળની તપાસ માધવપુર પોલીસ ચલાવી રહી છે.