પાકિસ્તાનના અરશદ નદીમે ઓલિમ્પિક રેકોર્ડ બનાવ્યો અને બીજા પ્રયાસમાં 92.97 મીટરનો થ્રો કર્યો અને ટોચના સ્થાને પહોંચ્યો છે. જ્યારે નીરજ ચોપરાએ 89.45 મીટરનો થ્રો કર્યો છે. 

નદીમે 90 મીટરથી વધુનો કર્યો થ્રો
પાકિસ્તાનના અરશદ નદીમે ઓલિમ્પિક રેકોર્ડ બનાવ્યો અને બીજા પ્રયાસમાં 92.97 મીટરનો થ્રો કર્યો અને ટોચના સ્થાને પહોંચી ગયો. અગાઉ ઓલિમ્પિકમાં સર્વશ્રેષ્ઠ થ્રો 90.57 હતો. આ રેકોર્ડ નોર્વેના એન્ડ્રેસ થોર્કિલ્ડસનના નામે હતો.

નીરજ ચોપરા બીજા નંબર પર
ભારતના સ્ટાર જેવલિન થ્રોઅર નીરજ ચોપરાએ બીજા પ્રયાસમાં 89.45 મીટરના થ્રો સાથે શાનદાર પ્રદર્શન કર્યું અને તે અરશદ નદીમ પછી બીજા સ્થાને છે.

આજે પેરિસ ઓલિમ્પિક 2024નો 13મો દિવસ એટલે કે 8મી ઓગસ્ટ છે. ભારતે અત્યાર સુધીમાં 3 મેડલ જીત્યા છે. નીરજ ચોપરાએ મંગળવારે ગ્રુપ-બી ક્વોલિફિકેશનના પ્રથમ પ્રયાસમાં 89.34 મીટરનો શાનદાર થ્રો કરીને પુરુષોની ભાલા ફેંક સ્પર્ધાની ફાઇનલમાં પ્રવેશ કર્યો હતો અને આજે તે ફાઇનલ મેચ રમ્યા હતા.