2015 પછી પીએમ મોદીની યુએઈની આ સાતમી મુલાકાત છે. અહીં પીએમ મોદી દુબઈમાં યોજાનારી વર્લ્ડ ગવર્નમેન્ટ સમિટ 2024માં ભાગ લેશે.
વડાપ્રધાન નરેન્દ્ર મોદી મંગળવાર (13 ફેબ્રુઆરી)થી સંયુક્ત આરબ અમીરાત (UAE)ની બે દિવસીય મુલાકાત લેશે. આ દરમિયાન તેઓ રાષ્ટ્રપતિ શેખ મોહમ્મદ બિન જાયદ અલ નાહયાન સાથે વિવિધ વિષયો પર ચર્ચા કરશે અને અબુ ધાબીમાં પ્રથમ હિન્દુ મંદિરનું ઉદ્ઘાટન કરશે. શનિવારે (10 ફેબ્રુઆરી) મુલાકાતની જાહેરાત કરતા, વિદેશ મંત્રાલય (MEA) એ જણાવ્યું હતું કે 2015 પછી UAEની આ વડાપ્રધાનની સાતમી મુલાકાત હશે.
તેમાં કહેવામાં આવ્યું છે કે પીએમ મોદી અને યુએઈના પ્રમુખ અલ નાહયાન બંને દેશો વચ્ચે વ્યૂહાત્મક ભાગીદારીને વધુ ગાઢ, વિસ્તૃત અને મજબૂત કરવાના માર્ગો પર ચર્ચા કરશે અને પરસ્પર હિતના પ્રાદેશિક અને આંતરરાષ્ટ્રીય મુદ્દાઓ પર વિચારોનું આદાનપ્રદાન કરશે. વિદેશ મંત્રાલયે કહ્યું, 'વડાપ્રધાન UAEના ઉપરાષ્ટ્રપતિ, વડા પ્રધાન અને સંરક્ષણ પ્રધાન શેખ મોહમ્મદ બિન રાશિદ અલ મકતુમને પણ મળશે.
વર્લ્ડ ગવર્નમેન્ટ સમિટ 2024માં લેશે ભાગ
વિદેશ મંત્રાલયે એક નિવેદનમાં જણાવ્યું હતું કે, "તેમના આમંત્રણ પર, વડાપ્રધાન મોદી દુબઈમાં આયોજિત થનારી વર્લ્ડ ગવર્નમેન્ટ સમિટ 2024માં અતિથિ વિશેષ તરીકે ભાગ લેશે અને સમિટમાં વિશેષ સંબોધન કરશે." મંત્રાલયે એક નિવેદનમાં જણાવ્યું હતું કે મોદી અબુ ધાબીમાં પ્રથમ હિન્દુ મંદિર BAPS મંદિરનું પણ ઉદ્ઘાટન કરશે અને ઝાયેદ સ્પોર્ટ્સ સિટી ખાતે એક કાર્યક્રમમાં UAEમાં ભારતીય સમુદાયને પણ સંબોધિત કરશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજકોટ : ભીલવાસ નજીક ઇગલ પેટ્રોલ પંપે રાત્રીના માથાભારે શખ્સે ફિલરમેનને છરીના ઘા ઝીંક્યા
July 07, 2024 03:50 PMજામકંડોરણામાં : અષાઢી બીજ નિમિત્તે રામજીની ભવ્ય રથયાત્રા, મોટી સંખ્યામાં ભક્તો જોડાયા
July 07, 2024 03:45 PMજુનાગઢ : પ્રાચીન જગન્નાથજી મંદિરે અષાઢી બીજની ભવ્ય ઉજવણી પ્રભુજીને કરાયા દિવ્ય શણગાર
July 07, 2024 03:44 PMઝિમ્બાબ્વે સામે હાર બાદ એમએસ ધોનીના ક્લબમાં શુભમન ગિલની થઈ એન્ટ્રી
July 07, 2024 12:03 PMCopyright © 2023-2024 Aajkaal Daily
Developed by Rhythm Infotech