વડા પ્રધાન નરેન્દ્ર મોદીએ ગુવારે (૫ સપ્ટેમ્બર) સિંગાપોરના વડા પ્રધાન લોરેન્સ વોંગ સાથે ફળદાયી બેઠક કરી હતી. આ બેઠકમાં બંને દેશો વચ્ચેના દ્રિપક્ષીય સંબંધોને વ્યાપક વ્યૂહાત્મક ભાગીદારીના સ્તરે પહોંચાડો. બંને નેતાઓએ દ્રિપક્ષીય સંબંધોને પ્રોત્સાહન આપવાની રીતો પર ચર્ચા કરી. પીએમ મોદી વોંગના આમંત્રણ પર બે દિવસની સિંગાપોર મુલાકાતે પહોંચ્યા છે. વોંગ સાથે વાતચીત પહેલા પીએમ મોદીનું સિંગાપોર સંસદ ભવનમાં ઔપચારિક સ્વાગત કરવામાં આવ્યું હતું. તેણે ત્યાં વિઝિટર બુક પર પણ હસ્તાક્ષર પણ કર્યા. તેમજ વાટાઘાટો બાદ ચાર એમઓયુ પર પણ હસ્તાક્ષર કરવામાં આવ્યા હતા.
વડાપ્રધાન મોદી બાદમાં રાષ્ટ્ર્રપતિ થર્મન ષણમુગરત્નમને પણ મળશે. પીએમ મોદી સિંગાપોરના વરિ પ્રધાન લી સિન લૂંગ અને એમેરિટસ વરિ પ્રધાન ગોહ ચોક ટોંગને પણ મળવાના છે. લી મોદીના સ્વાગત માટે લંચનું આયોજન કરી રહ્યા છે. પીએમ મોદી સિંગાપોરના ઉધોગપતિઓને પણ મળશે અને દેશના સેમિકન્ડકટર સેકટર સાથે જોડાયેલા લોકો સાથે વાતચીત કરશે.
પીએમ મોદી અને વોંગ સેમિકન્ડકટર મેન્યુફેકચરિંગ યુનિટની પણ મુલાકાત લેશે. વડા પ્રધાન મોદી બ્રુનેઈની તેમની પ્રથમ દ્રિપક્ષીય મુલાકાત પૂર્ણ કર્યા પછી તેમના સિંગાપોરના સમકક્ષ લોરેન્સ વોંગના આમંત્રણ પર દક્ષિણ–પૂર્વ એશિયાઈ દેશની તેમની પાંચમી સત્તાવાર મુલાકાતે બુધવારે પહોંચ્યા હતા. ત્યાં ભારતીય મૂળના લોકોએ તેમનું ભવ્ય સ્વાગત કયુ.
વિદેશ મંત્રાલયના પ્રવકતા રણધીર જયસ્વાલે સોશિયલ મીડિયા પ્લેટફોર્મ એકસ પર લખ્યું કે, સંબંધોમાં નવો અધ્યાય: વ્યાપક રાકીય સમજુતી પર પહોંચી. પ્રધાનમંત્રી મોદી અને સિંગાપોરના પ્રધાનમંત્રી લોરેંસ વોંગએ સિંગાપોરમાં એક ફળદાયી બેઠક કરી.
તેમણે કહ્યું કે, નેતાઓ સંબંધોને વ્યાપક વ્યૂહાત્મક ભાગીદારીમાં તક વધારવા પર સંમત થયા છે. તેઓએ અધતન ઉત્પાદન, કનેકિટવિટી, ડિજિટાઇઝેશન, હેલ્થકેર અને દવા, કૌશલ્ય વિકાસ અને ટકાઉપણું જેવા ક્ષેત્રોમાં દ્રિપક્ષીય સંબંધોના વિવિધ પાસાઓની વ્યાપક સમીક્ષા કરી. બંને નેતાઓ વચ્ચેની મુલાકાત વોંગના સિંગાપોરના વડાપ્રધાન બન્યા અને પીએમ મોદીએ વડાપ્રધાન તરીકે ત્રીજીવાર શ કર્યાના થોડા મહિનાઓ બાદ થઈ છે