વડાપ્રધાન નરેન્દ્ર મોદીની લોકપ્રિયતા માત્ર દેશમાં જ નહીં પરંતુ વિશ્વમાં છે. તેનો અંદાજ સોશિયલ મીડિયા પર તેના ફોલોઅર્સને જોયા બાદ લગાવી શકાય છે.

વડાપ્રધાન નરેન્દ્ર મોદીના નામે વધુ એક સિદ્ધિ નોંધાઈ છે. રવિવાર (14 જુલાઈ)ના રોજ, તે સોશિયલ મીડિયા પ્લેટફોર્મ X (અગાઉ ટ્વિટર) પર 100 મિલિયન એટલે કે 10 કરોડથી વધુ ફોલોઅર્સ સુધી પહોંચી ગયા છે. આ સાથે તેઓ સૌથી વધુ ફોલો કરવામાં આવતા વૈશ્વિક નેતા બની ગયા છે.

PM મોદી યુએસ પ્રમુખ જો બાઈડેન (38.1 મિલિયન ફોલોવર્સ), દુબઈના શાસક શેખ મોહમ્મદ (11.2 મિલિયન ફોલોવર્સ) અને પોપ ફ્રાન્સિસ (18.5 મિલિયન ફોલોવર્સ) જેવા વિશ્વના અન્ય નેતાઓ કરતા ઘણા આગળ છે. X પર PM મોદીની લોકપ્રિયતાને જોતાં વિશ્વભરના નેતાઓ PM મોદી સાથે સોશિયલ મીડિયા પર જોડાવા માટે ઉત્સુક છે કારણ કે તેમની સાથે જોડાવાથી તેમના પોતાના ફોલોવર્સ, વ્યૂઝ અને રી-પોસ્ટ્સમાં નોંધપાત્ર વધારો થાય છે. તાજેતરમાં ઇટાલી અને ઓસ્ટ્રિયામાં પણ આ જોવા મળ્યું હતું.

ભારતના આ નેતાઓ સામે પીએમ મોદી ક્યાં...

ભારતમાં વડાપ્રધાન મોદીના ફોલોઅર્સની સંખ્યા અન્ય ભારતીય રાજકારણીઓ કરતા વધુ છે. લોકસભામાં વિપક્ષના નેતા રાહુલ ગાંધીના 26.4 મિલિયન ફોલોઅર્સ છે જ્યારે દિલ્હીના મુખ્યમંત્રી અરવિંદ કેજરીવાલના 27.5 મિલિયન ફોલોઅર્સ છે. વડા પ્રધાન મોદી સમાજવાદી પાર્ટીના વડા અખિલેશ યાદવ (19.9 મિલિયન), પશ્ચિમ બંગાળના મુખ્ય પ્રધાન મમતા બેનર્જી (7.4 મિલિયન), રાષ્ટ્રીય જનતા દળના સુપ્રીમો લાલુ પ્રસાદ અને NCP (SP)ના વડા શરદ પવાર (2.9 મિલિયન) જેવા અન્ય વિપક્ષી નેતાઓ કરતાં માઇલો આગળ છે. 

દુનિયાભરની સેલિબ્રિટીઓને પાછળ છોડીને નંબર વન નેતા બન્યા

વડાપ્રધાન મોદીના ફોલોઅર્સની સંખ્યા વિશ્વ એથ્લેટ વિરાટ કોહલી (64.1 મિલિયન), બ્રાઝિલના ફૂટબોલર નેમાર જુનિયર (63.6 મિલિયન) અને અમેરિકન બાસ્કેટબોલ ખેલાડી લેબ્રોન જેમ્સ (52.9 મિલિયન) કરતાં પણ વધુ છે. આટલું જ નહીં, તે ટેલર સ્વિફ્ટ (95.3 મિલિયન), લેડી ગાગા (83.1 મિલિયન) અને કિમ કાર્દાશિયન (75.2 મિલિયન) જેવી સેલિબ્રિટીથી પણ આગળ છે.