ગુજરાતના કેટલાક વિસ્તારોમાં અતિભારે વરસાદની આગાહી કરવામાં આવી છે. આગામી 3 કલાક માટે હવામાન વિભાગે આગાહી કરી છે. જેમાં દેવભુમી દ્વારકા, જામનગર, કચ્છ, મોરબીમાં અતિભારે વરસાદની આગાહી કરવામાં આવી છે. તો રાજકોટ, ભરૂચ, નર્મદા સુરત, તાપીમાં ભારેથી મધ્યમ વરસાદની આગાહી કરવામાં આવી છે.

17 જૂનના આ જીલ્લામાં પડી શકે છે વરસાદ
રાજ્યમાં આગામી અઠવાડિયામાં સૌરાષ્ટ્ર કચ્છ, મધ્ય ગુજરાત ,તેમજ દક્ષિણ ગુજરાતમાં વરસાદની આગાહી કરવામાં આવી છે.  હવામાન વિભાગે આગામી દિવસોના વરસાદના પૂર્વાનુંમાન અંગે જણાવ્યું હતું કે 17 તારીખના રોજ સૌરાષ્ટ્ર કચ્છના જામનગર, દેવભૂમિ દ્વારકા,  પોરબંદર, જૂનાગઢ,  રાજકોટ, ગીર સોમનાથ તેમજ મધ્ય ગુજરાતના આણંદ, ખેડા, અમદાવાદ, વડોદરા, ભરૂચ તેમજ દક્ષિણ ગુજરાતના સુરત તાપી, નવસારી, ડાંગ, દમણ, વલસાડમાં ગાજવીજ સાથે હળવાથી મધ્યમ ઝાપટા પડી શકે છે. 

18 જૂનના આ જીલ્લામાં પડી શકે છે વરસાદ
18 તારીખના રોજ પણ જૂનાગઢ, બોટાદ,  અમરેલીમાં  વરસાદની મધ્યમ ઝાપટાની શકયતા છે. આજે  ગુજરાતના 16  તાલુકાઓમાં   વરસાદ નોંધાયો છે. જેમાં  સૌથી વધુ દ્વારકાના  ખંભાળિયામાં બે કલાકમાં 5 ઇંચ વરસાદ નોંધાયો હતો.   તેમજ પોરબંદરમાં પણ અઢી ઇંચ વરસાદ નોંધાયો છે તો બીજી તરફ ગાંધીનગર અને અમદાવાદમાં વાદળછાયા વાતાવરણ સાથે 40 ડિગ્રી તાપમાન નોંધાયું હતું.