ભાવનગર અને બોટાદ જિલ્લામાં ફક્ત મહિલાઓ માટે સાંસદ ખેલ મહોત્સવનું આયોજન કરાયું છે. મનસુખ માંડવિયા(કેન્દ્રીય આરોગ્ય અને પરિવાર કલ્યાણ તથા રસાયણ અને ખાતર મંત્રી ભારત સરકાર) અને ડૉ. ભારતિબેન ડી. શિયાળ સાંસદશ્ ભાવનગર બોટાદ દ્રારા તારીખ ૨.૩.૨૦૨૪ અને તા. ૩.૩.૨૦૨૪ના રોજ ભાવનગર તેમજ બોટાદ જિલ્લાના મહિલા રમતવીરો માટે જિલ્લાકક્ષા સાંસદ મહિલા ખેલ મહોત્સવ -૨૦૨૪ અંતર્ગત વિવિધ ૯ રમતો પૈકી વોલીબોલ, ખો-ખો, કબડ્ડી, રસ્સાખેંચ, યોગા, નારગેલ, એથ્લેટીક્સ, લીંબુ ચમચી, સંગીત, ખુરશી જેવી રમતોનું અલગ અલગ ૩ વયજૂથમાં સ્પોર્ટ્સ કોમ્પ્લેક્સ, સિદસર રોડ, ભાવનગર ખાતે સ્પર્ધાનું આયોજન કરવામાં આવનાર છે.

ભાવનગર તેમજ બોટાદ જિલ્લાના મહિલા રમતવીરો માટે યોજાઈ રહેલા આ સાંસદ મહિલા ખેલ સ્પર્ધામાં રમતવીરો વધુ ને વધુ લાભ લે તેના માટે જિલ્લા રમત વિકાસ અધિકારી,જિલ્લા રમત પ્રશિક્ષણ કેન્દ્ર, કચેરી ભાવનગર અને જિલ્લા રમત વિકાસ અધિકારી, બોટાદ દ્રારા દરેક ખેલાડીઓને ભાગ લેવા માટે અનુરોધ કરવામાં આવે છે.

 આ સાંસદ મહિલા ખેલ સ્પર્ધાનો મુખ્ય ઉદેશ ભાવનગર અને બોટાદ જિલ્લાના મહિલા રમતવીરોમાં રહેલા સુસુપ્ત શક્તિઓને બહાર લાવવાના શુભ આશય સાથે યોગ્ય પ્રતિભાઓને શોધીને યથા યોગ્ય તક આપવા માટે તથા રમતવીરોના સર્વાંગી વિકાસ અર્થે સમગ્ર ભાવનગર અને બોટાદ જિલ્લામાં રમત ગમતના વાતાવરણનું નિર્માણ કરવાનો છે.

  આ સ્પર્ધા ત્રણ અલગ અલગ વયજુથ ૧. ૧૪ વર્ષથી નીચેના, ૨. ૧૫ થી ૨૧ વર્ષ સુધીના, ૩. ૨૧ થી ઉપરની કક્ષાએ સ્પર્ધાનું આયોજન થનાર છે. કોઈપણ ખેલાડી કોઈ એક જ રમતમાં ભાગ લઈ શકશે. જન્મ તારીખ ૩૧-૧૨-૨૦૨૪ ને ધ્યાને રાખવાની રહેશે. એથ્લેટીક્સ રમતમાં કુલ ત્રણ ૧૦૦ મી. દોડ, ગોળાફેંક, લાંબીકૂદ ઇવેન્ટસનો સમાવેશ કરવામાં આવેલ છે ભાવનગર-બોટાદ જિલ્લાના સંસદીય વિસ્તારના નાગરિક જ આ સ્પર્ધામાં ભાગ લઈ શકશે.

  સાસંદ મહિલા ખેલ મહોત્સવ-૨૦૨૪ ની સ્પર્ધામાં ભાગ-લેવા માટેની રજીસ્ટ્રેશનની અંતિમ તારીખ ૨૭.૦૨.૨૦૨૪ છે આ સ્પર્ધાની વધુ માહિતી માટે બ્લોક આઈ.ડી:- dsdobhav.blogspot.com પરથી મેળવી શકાશે. ભાવનગર જિલ્લાના તમામ મહિલાઓને આ સ્પર્ધામાં ભાગ લેવા માટે જિલ્લા રમત વિકાસ અધિકારી, ભાવનગર દ્વારા અનુરોધ કરવામાં આવે છે.