મહારાષ્ટ્ર વિધાનસભાનું ત્રણ દિવસીય વિશેષ સત્ર ગઈકાલે શરૂ થયું હતું. આજે સત્રના બીજા દિવસે વિપક્ષ મહા વિકાસ અઘાડી (MVA)ના સભ્યોએ ધારાસભ્ય તરીકે શપથ લીધા. સત્રના પ્રથમ દિવસે (શનિવારે), રાજ્યના સીએમ દેવેન્દ્ર ફડણવીસ, ડેપ્યુટી સીએમ એકનાથ શિંદે અને અજિત પવારે ધારાસભ્ય તરીકે શપથ લીધા.

વિધાનસભાના પ્રોટેમ સ્પીકર કાલિદાસ કોલંબકરે દરેકને ધારાસભ્ય તરીકેના શપથ લેવડાવ્યા હતા. સત્રના પ્રથમ દિવસે, વિપક્ષી સભ્યોએ તાજેતરમાં યોજાયેલી રાજ્યની ચૂંટણીમાં ઈવીએમના દુરુપયોગનો આરોપ લગાવતા શપથ ગ્રહણ સમારોહનો બહિષ્કાર કર્યો હતો. જોકે, તમામ વિજેતા સભ્યોએ રવિવારે એટલે કે આજે ધારાસભ્ય તરીકે શપથ લીધા હતા.

આજે કોંગ્રેસના નાના પટોલે, વિજય વડેટ્ટીવાર અને અમિત દેશમુખ, NCP (SP)ના નેતા જિતેન્દ્ર આવ્હાડ અને શિવસેના (UBT)ના આદિત્ય ઠાકરેએ ધારાસભ્ય તરીકે શપથ લીધા હતા.

શનિવારે વિપક્ષી સભ્યોએ કહ્યું હતું કે તેઓ પણ સોલાપુરના માલશિરસ વિધાનસભા ક્ષેત્રના માર્કડવાડી ગામમાં કર્ફ્યુ અને ધરપકડનો વિરોધ કરી રહ્યા છે. અહીં ગ્રામજનોએ બેલેટ પેપરનો ઉપયોગ કરીને ફરીથી ચૂંટણી કરાવવાની માંગ કરી હતી.

આદિત્ય ઠાકરેએ શપથ લેવાની ના પાડી દીધી હતી

શિવસેના યુબીટી નેતા આદિત્ય ઠાકરેએ ગઈકાલે કહ્યું હતું કે અમારા વિજેતા ધારાસભ્યો શપથ લેશે નહીં. જો આ જાહેર જનાદેશ હોત તો લોકોએ ઉજવણી કરી હોત પરંતુ લોકોએ આ જીતની ક્યાંય ઉજવણી કરી નથી. ચૂંટણીમાં ઉપયોગમાં લેવાતા EVM અંગે અમને

શંકા છે.