કોડીનાર શહેરમાં આવેલા જગદીશ કેફેમાં બનેલા મારામારીના બનાવમાં કેફે સંચાલક દ્રારા ૮ શખ્સો સામે પોલીસ ફરીયાદ કર્યા બાદ સામા પક્ષ દ્રારા કેફે સંચાલકો સહિત ૧૦ શખ્સો વિદ્ધ હત્પમલો કરી ગંભીર ઇજાઓ કર્યા ની પોલીસ ફરીયાદ નોંધાવી હતી.
આ અંગે શૈલેષ કરસનભાઈ વાઢેળએ નોંધાવેલી ફરિયાદમાં જણાવ્યા મુજબ તેમની માસીના દીકરાની પત્નિની ઇન્સ્ટાગ્રામ આઈ.ડી.માં ભાવિક સાવનિયાએ મેસેજ કરેલ હોય આ અંગે શૈલેષ અને વિશાલ બન્ને ફોર વહીલ ગાડીમાં ભાવિક સાવનિયાની દુકાન જગદીશ કેફેમાં તેને ઠપકો આપવા જતાં દુકાનમાં અંદર બેઠેલા ભાવિક સાવનિયા, રાજ સાવનિયા, ભાવિકના ૩ કાકાઓ, તેના કાકાનો દીકરો, દિલીપ બાભણીયા, મયુર વાંજા અને કેફેમાં કામ કરતા ૨ માણસો સહિત ૧૦ લોકોએ શૈલેષ અને વિશાલ ઉપર હત્પમલો કરી શૈલેષને માથાના ભાગે હેમરેજ જેવી ઇજા કરી તેમજ જડબામાં ફેકચર કરી શૈલેષ અને વિશાલ ઉપર ૧૦ શખ્સોએ લોખંડના પાઇપ લાકડાના ધોકા વડે આડેધડ માર મારી ગંભીર ઇજા કર્યાની ફરીયાદ નોંધાવતા પોલીસે આ અંગે ફરીયાદ નોંધી આરોપીઓને પકડી પાડવા ચક્રો ગતિમાન કર્યા છે