રાજકોટના મવડી નજીક મહાપુજા ધામ ચોક પાસે આજે વહેલી સવારે અકસ્માત થતા એક યુવકનું મોત થયું છે જયારે તેની સાથેના મિત્રને હોસ્પિટલમાં ખસેડવામાં આવતા હાલત ગંભીર હોવાનું જાણવા મળ્યું છે. અકસ્માત સવારે ચાર વાગ્યે બન્યો હતો અને બધં ટ્રક પાછળ અકસેસ સ્કૂટર ઘુસી જવાથી સર્જાયો હતો. મૃત્યુ પામનાર યુવક સુરેન્દ્રનગરના ધજાળા ગામનો હતો અને મિત્ર સાથે મવડીમાં ઘરે જઈ રહ્યો હતો. બનાવના પગલે માલવિયા નગર પોલીસ દોડી ગઈ હતી.
પ્રા વિગત મુજબ મૂળ સાયલાના ધજાળા ગામનો અને શહેરના મવડી વિસ્તારમાં રહેતો ચિરાગ ધર્મેન્દ્રભાઈ રવિયા (ઉ.વ. ૨૬) અને તેનો મિત્ર આદિત્ય દીપુભાઈ આહીર (ઉ.વ.૧૯) બંને આજે વહેલી સવારે ચારેક વાગ્યાના અરસામાં અકસેસ સ્કૂટર જીજે–૦૩–૪૪૪૪ નંબરનું લઈને મવડી તરફ જઈ રહ્યા હતા ત્યારે મહાપુજા ધામ ચોક રોડની સાઈડમાં પાર્ક કરવામાં આવેલા બધં ટ્રક પાછળ અકસેસ સ્કૂટર ધડાકાભેર અથડાતા પસાર થતા વાહન ચાલકો સહિતના દોડી આવ્યા હતા અને કોઈએ ૧૦૮ને જાણ કરતા ૧૦૮ મારફત બંનેને સિવિલ હોસ્પિટલમાં ખસેડવામાં આવ્યા હતા જેમાં ચિરાગનું ગંભીર ઇજા થવાથી મોત નીપયું હતું જયારે આદિત્યની હાલત ગંભીર જણાઈ રહી છે. બનાવના પગલે માલવિયા નગર પોલીસે અકસ્માત સ્થળ પર અને હોસ્પિટલ પહોંચી જરી કાર્યવાહી કરી હતી. મૃતક ચિરાગ મૂળ ધજાળા ગામનો વતની હતો અને એક ભાઈ એક બહેનમાં નાનો હતો, ચાર પાંચ વર્ષથી રાજકોટમાં રહી પ્રાઇવેટ નોકરી કરતો હતો. પિતાને કરિયાણાની દુકાન છે. બંને યુવક કયાં હતા અને કયાં જતા હતા એ હજુ જાણી શકાયું નથી. યુવાન પુત્રના મોતથી પરિવારમાં કલ્પાંત સર્જાયો છે