કચ્છ માળીયા હાઈવે રોડ ઉપર હરીપર રેલવે બ્રીજ ઉપર યુવક ત્રણ સવારીમાં જતા હોય તે દરમ્યાન બાઈક સ્લીપ ખાઈ પડી જતા પાછળ આવી રહેલ ટ્રકનું વ્હીલ માથના ભાગે ચડી જતા ગંભીર ઇજા પહોંચતા યુવકના પિતરાઈ ભાઈનું ઘટનાસ્થળે મોત નિપયું હતું. તેમજ આરોપી ટ્રક ચાલક વિદ્ધ માળીયા પોલીસ સ્ટેશનમાં ફરીયાદ નોંધાઈ છે.
હળવદમા ભવાની ઢોરો લાંબી ડેરીએ રહેતા વિક્રમભાઈ પોપટભાઈ લુહારીયા (ઉ.વ.૨૨) એ આરોપી અજાણ્યા ટ્રક વાહન ચાલક વિદ્ધ માળીયા (મી) પોલીસ મથકમાં ફરીયાદ નોંધાવતા જણાવ્યું હતું કે અજાણ્યા ટ્રક ચાલકે પોતાના હવાલાવાળુ ટ્રક પુરઝડપે અને ગફલતભરી રીતે ચલાવી ફરીયાદીના કુટુંબી ભાઇ બાબુભાઇ પોતાના હવાલાવાળુ મોટરસાયકલ ત્રણ સવારીમા ચલાવતા હોય અને આગળ જતા ટ્રક સાથે ભટકાય નહી તે માટે બ્રેક મારતા પોતાનુ બાઈક સ્લીપ ખાઇ જતા બાબુભાઈ તથા ફરીયાદી તથા રામભાઇ ત્રણેય રોડ પર પડી જતા પાછળથી આવતા કોઈ અજાણ્યા ટ્રક ચાલકે પોતાના હવાલાવાળુ વાહન ફરીયાદીને શરીરે સામાન્ય ઈજા કરી તેમજ બાબુભાઈના માથાના ભાગે ટાયર ચડાવી માથાના ગંભીર ઇજા પહોચાડી મોત નીપજાવી પોતાના હવાલાવાળો ટ્રક લઈ નાશી ગયો હોવાની ફરીયાદ નોંધાવતા પોલીસે કાયદેસરની કાર્યવાહી હાથ ધરી છે.