પેરિસ ઓલિમ્પિકમાં ભારત માટે બ્રોન્ઝ મેડલ જીતનાર શૂટર સ્વપ્નિલ કુસાલેનું કોલ્હાપુરમાં ખૂબ જ અનોખી રીતે સ્વાગત કરવામાં આવ્યું હતું. સ્વપ્નિલને હાથી પર બેસાડીને તેનું સ્વાગત કરવામાં આવ્યું હતું. કહેવામાં આવી રહ્યું છે કે કોલ્હાપુર પ્રશાસન દ્વારા સ્વપ્નિલ માટે આ ખાસ વ્યવસ્થા કરવામાં આવી હતી. સ્વપ્નિલની આ રાઈડ તરરાણી ચોકથી શરૂ થઈ હતી.
સ્વાગત દરમિયાન સ્વપ્નિલ હાથી પર બેઠો હતો અને હાથ જોડીને સૌનો આભાર માન્યો. આ દરમિયાન તેની આસપાસ લોકોની ભીડ જોવા મળે છે. ભીડ સ્વપ્નિલ માટે ચીયર કરી રહી હતી. આ દરમિયાન સ્વપ્નિલ પર ફૂલોની વર્ષા પણ કરવામાં આવી હતી. સ્વપ્નિલ મહારાષ્ટ્રના પુણેથી આવે છે, જ્યાં તેનો જન્મ 6 ઓગસ્ટ, 1995ના રોજ થયો હતો.
50 મીટર રાઇફલ 3 પોઝિશન ઇવેન્ટમાં ભારત માટે પ્રથમ મેડલ લાવ્યો
સ્વપ્નિલ ઓલિમ્પિકમાં 50 મીટર રાઈફલ 3 પોઝિશન ઈવેન્ટમાં મેડલ જીતનાર ભારતનો પહેલો શૂટર બન્યો છે. આ ઈવેન્ટમાં સ્વપ્નીલે 451.4 માર્ક્સ મેળવ્યા હતા. બીજા ક્રમે રહેલા ખેલાડીએ 461.3 પોઈન્ટ અને પ્રથમ ક્રમે રહેલા ખેલાડીએ 463.6 પોઈન્ટ મેળવ્યા હતા.
નોંધનીય છે કે અભિનવ બિન્દ્રાએ 2008 બેઇજિંગ ઓલિમ્પિકમાં 10 મીટર રાઇફલ સ્પર્ધામાં ભારત માટે ગોલ્ડ મેડલ જીત્યો હતો. ત્યારબાદ ગગન નારંગે 2012 ઓલિમ્પિકમાં 10 મીટર રાઈફલ ઈવેન્ટમાં બ્રોન્ઝ મેડલ જીત્યો હતો. આ પછી સ્વપ્નીલે રાઈફલ ઈવેન્ટમાં ભારત માટે ત્રીજો મેડલ જીત્યો.
પેરિસમાં બ્રોન્ઝ મેડલ જીત્યા બાદ સ્વપ્નીલે કહ્યું હતું કે ભલે તે ગોલ્ડ મેડલ નથી, પરંતુ ઓલિમ્પિકમાં મેડલ જીતવું એક સપનું છે. જીત બાદ સ્વપ્નીલે કહ્યું કે, "મારા મનમાં અત્યારે ઘણી લાગણીઓ છે. આ મેડલનો અર્થ ઘણો છે. તે ગોલ્ડ નથી પણ મને મેડલ મળ્યો તેનાથી હું ખુશ છું. ઓલિમ્પિકમાં મેડલ જીતવું એ એક સપનું છે. "
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationપીએમ મોદી આજથી અમેરિકાના પ્રવાસે, ક્વાડ સમિટમાં લેશે ભાગ
September 21, 2024 11:04 AMમણિપુરમાં 900થી વધુ કુકી આતંકી ઘુસ્યા
September 21, 2024 11:02 AMભૂગર્ભ ગટરના પ્રશને જામ્યુકોના વિપક્ષી નેતાના આક્ષેપો પાયાવિહોણા સ્ટે. ચેરમેન
September 21, 2024 11:01 AMબુધવારથી દક્ષિણ ગુજરાતમાં ફરી ભારે વરસાદની આગાહી
September 21, 2024 11:00 AMમોરબી ઝૂલતો પુલ કેસમાં ચાર્જ ફ્રેમ માટે માર્ગ મોકળો
September 21, 2024 10:56 AMCopyright © 2023-2024 Aajkaal Daily
Developed by Rhythm Infotech