​​​​​​​દુનિયામાં એવી ઘણી નોકરીઓ છે જેમાં તમે કોઈ ખાસ કામ કર્યા વગર લાખો રૂપિયાનો પગાર મેળવી શકો છો. સૌથી અદ્ભુત બાબત એ છે કે જોબ કેટેગરીમાં સમાવિષ્ટ આ નોકરીઓ તમને કોઈપણ રીતે નોકરી જેવી લાગશે નહીં. બદલાતી જીવનશૈલી અને અદ્યતન વિશ્વ સાથે તાલમેલ રાખવા માટે ઘણી આકર્ષક નોકરીઓ શરૂ થઈ છે. કેટલીક કંપની લોકોને આરામથી સૂવા માટે પૈસા ચૂકવી રહી છે તો કેટલીક બેંક લૂંટવા માટે ચૂકવણી કરી રહી છે અને કેટલીક ભૂત બનવા માટે પણ ચૂકવણી કરી રહી છે. જો તમે રોજની એક સરખી જિંદગી અને દિનચર્યાથી કંટાળી ગયા હોવ તો તમે આવી વિચિત્ર નોકરીઓ માટે પ્રયાસ કરી શકો છો. ભારત અને વિદેશમાં આકર્ષક નોકરીઓ ઉપલબ્ધ છે. જાણો કઈ છે સૌથી અજીબ નોકરી-

વિશ્વની સૌથી આકર્ષક નોકરીઓ

1. પ્રોફેશનલ મોર્નરની નોકરીઓ: વિદેશોમાં અંતિમ સંસ્કારમાં હાજરી આપવા માટે આવા પ્રોફેશન મોર્નર (શોક મનાવે/રડે તેવા વ્યક્તિ)ની મદદ લેવામાં આવે છે. જેના બદલામાં તેને 8 હજાર રૂપિયા સુધી મળે છે.

2. ઓનલાઈન ડેટિંગ ઘોસ્ટ રાઈટર: ઓનલાઈન ડેટિંગના યુગમાં લોકો તેમની પ્રોફાઈલમાં પોતાનો બાયો લખવામાં ઘણો સંઘર્ષ કરી રહ્યા છે. લખવાનો શોખ ધરાવતા લોકો તેમાં કરિયર બનાવીને દર મહિને 75 હજાર રૂપિયા સુધીની કમાણી કરી શકે છે.

3. ઝોમ્બી એક્ટ્સ: લંડનના પ્રદર્શનોમાં ઝોમ્બીની ભૂમિકાઓ માટે ઓડિશન લેવામાં આવે છે. તેની કમાણી 32 લાખ રૂપિયા સુધી છે. તેમનું કામ લોકોને ડરાવવાનું છે.

4. પ્રોફેશનલ માફી માંગનાર: કેટલાક લોકો કોઈની પણ માફી માંગવામાં ખૂબ જ સંકોચ અનુભવે છે. પ્રોફેશનલ એપોલોજિસ્ટ આવા લોકોની જગ્યાએ જે-તે વ્યક્તિની પાસે જઈને માફી માંગે છે.

5. પાંડા ફ્લફર: પાંડા નાના બાળકો જેવા હોય છે. તેમને ખૂબ પ્રેમ, કાળજી અને ધ્યાનની જરૂર છે. પાંડા ફ્લફર તરીકે દર વર્ષે 24 લાખ રૂપિયાથી વધુની કમાણી કરી શકાય છે.

6. ભાડા પર બોયફ્રેન્ડ: ટોક્યો અને અન્ય ઘણા દેશોમાં ભાડેથી ગર્લફ્રેન્ડ અને બોયફ્રેન્ડ મેળવવાનું સામાન્ય બની ગયું છે.