લીલીયાના મતિરાળા ગામની સીમમાં જાહેરમાં જુગાર રમતા સાત શખ્સોને લીલીયા પોલીસે ઝડપી પાડી રોકડ 37,270ની મત્તા સાથે ઝડપી પાડ્યા હતા જયારે બીજા દરોડામાં મરીન પીપાવાવ પોલીસે નિંગાળા ગામે જુગાર ઉપર દરોડો પાડતા બે શખ્સો પકડાયા હતા જયારે પાંચ નાસી જતા તમામ સામે ગુનો નોંધી કાર્યવાહી કરી છે.
પોલીસ સૂત્રોમાં નોંધાયેલી વિગત મુજબ લીલીયા પોલીસને ચોક્કસ બાતમી મળી હતી કે, મતિરાળા ગામની સીમમાં જાહેરમાં કેટલાક શખ્સો ગોળ કુંડાળું વળી તીનપતિનો જુગાર રમી પૈસાની હારજીત કરી રહ્યા છે. જે બાતમીના આધારે પોલીસે દરોડો પાડી અરવિંદ પરશોત્તમભાઇ ગજેરા (રહે.ગોઢાવદર તા.લીલીયા), શાંતિ ભીખાભાઇ ધામત (રહે.લીલીયા), પ્રફુલ વલ્લભભાઇ રાછડીયા (રહે.કેરીયા તા.લાઠી), રાજુ નાનજીભાઇ બોદર (રહે.અંટાળીયા તા.લીલીયા), કિશોર નાથાભાઇ ભાલાળા, શાંતિ બાબુભાઇ ભાલાળા, કનુ અરજણભાઇ શિંગાળા (રહે. ત્રણેય લીલીયા)ને ઝડપી પાડી રોકડ 37,270ની મત્તા કબ્જે કરી લીલીયા પોલીસ મથકમાં ગુનો નોંધ્યો હતો.
બીજા દરોડામાં નિંગાળા ગામે જુગાર રમતા હોવાની બાતમીના આધારે મરીન પીપાવાવ પોલીસે દરોડો પાડતા કાના લાલજીભાઇ સોલંકી, કુરજીલાલજીભાઇ સોલંકી ઝડપાઇ ગયા હતા પોલીસે બને પાસેથી રૂ.1880ની મત્તા કબ્જે કરી હતી જયારે વિરજી નાગજીભાઇ સોલંકી,
મહેશ શીવાભાઇ સોલંકી, કેશવ ઉર્ફે કેશુ શીયાળ, લાલા ઉર્ફે લાલો શીયાળ, લાલા ખોડાભાઇ જોળીયા (તમામ રહે.નિંગાળા) નાસી જતા તમામ સામે ગુનો નોંધી શોધખોળ હાથ ધરી છે.