રાજકોટ સહિત સમગ્ર રાજ્યમાં મેયર, સ્ટેન્ડિંગ ચેરમેન, જિલ્લા પંચાયતના પ્રમુખ, તાલુકા પંચાયતના પ્રમુખ તેમજ નગરપાલિકાના પ્રમુખની ટર્મ પૂરી થઈ રહી છે. ત્યારે આગામી તારીખ 1થી 3 પ્રભારીઓ અને પ્રમુખો સાથે ભાજપ પ્રદેશ નેતાઓની ટીમ સેન્સ લેવાની કાર્યવાહી કરશે. 

સેન્સ લેવાની પ્રક્રિયા બાદ આ રિપોર્ટ પ્રદેશને સોંપવામાં આવશે અને ત્યારબાદ અંતિમ પસંદગી કરવામાં આવશે. મહત્વનું છે કે, મહાનગરમાં એક જ દિવસમાં પસંદગીની પ્રક્રિયા પૂરી કરી રિપોર્ટ તૈયાર કરી દેવામાં આવશે જ્યારે કે જિલ્લા પંચાયત તાલુકા પંચાયત અને નગરપાલિકામાં ત્રણ દિવસ સુધી આ કાર્યવાહી ચાલુ રહેશે. 

રાજકોટમાં મેયર, સ્ટેન્ડિંગ ચેરમેન, જિલ્લા પંચાયતના પ્રમુખ, તાલુકા પંચાયતના પ્રમુખ તેમજ નગરપાલિકાના પ્રમુખ કોણ બનશે તે બાબત પર સૌની મિટ મંડાયેલી છે.