વડોદરામાં કાળજું કંપાવી નાખતી ઘટના સામે આવી છે. ગટરમાંથી નવજાત શિશુનો મૃતદેહ મળી આવ્યો છે. ગટર બ્લોક થતા પાલિકાને સ્થાનિક લોકોએ ફરિયાદ કરી હતી. આથી પાલિકાની ટીમ આવી ગટર ખોલતા જ નવજાત શિશુનો મૃતદેહ મળી આવ્યો છે. ફાયરબ્રિગેડે શિશુના મૃતદેહને પોલીસને સોંપ્યો છે. ક્યાં વિસ્તારમાંથી મૃતદેહ તણાઈ આવ્યો તે તપાસનો વિષય છે. સમગ્ર મામલે પોલીસે વધુ તપાસ હાથ ધરી છે.

નવજાત શિશુને જીવિત ત્યજી દીધી કે મૃત?
ગટરમાંથી મળી આવેલા નવજાત શિશુના મૃતદેહને લઈને લોકોમાં અનેક પ્રકારના તર્ક વિતર્ક થઈ રહ્યા છે. લોકોમાં ચર્ચા છે કે, નવજાત શિશુને જન્મ આપનાર માતાએ શિશુને જીવિત છોડી દીધું હશે કે મૃત હાલતમાં છોડી દીધું હશે. જો કે, આ ઘટનાને લઈને મૃત શિશુની માતા પર ફિટકાર વરસી રહી છે. 

પોલીસે અજાણી વ્યક્તિ સામે ગુનો નોંધ્યો દરમિયાન પોલીસે બાળકના મૃતદેહના પોસ્ટમોર્ટમની કાર્યવાહી હાથ ધરી હતી. પોલીસ તપાસમાં નવજાત બાળકી હોવાનું બહાર આવ્યું હતું. પોલીસે ડ્રેનેજ ચેમ્બરમાં બાળક મૂકી જનાર અજાણી વ્યક્તિ સામે ગુનો દાખલ કરી તપાસ હાથ ધરી છે.