નીરજ ચોપરાએ પેરિસ ઓલિમ્પિક 2024માં સિલ્વર મેડલ જીત્યો હતો. જોકે નીરજ પાસેથી ગોલ્ડ મેડલની અપેક્ષા હતી, કેમ કે તેણે ટોક્યો ઓલિમ્પિકમાં ગોલ્ડ જીત્યો હતો. નીરજ આજે (22 ઓગસ્ટ, ગુરુવાર) ફરી એકવાર એક્શનમાં જોવા મળશે. આ વખતે નીરજ સ્વિટ્ઝર્લેન્ડની લોઝેન ડાયમંડ લીગ 2024માં ભાગ લેશે. પેરિસ ઓલિમ્પિક બાદ નીરજની આ પ્રથમ સ્પર્ધા હશે.
નીરજે પેરિસ ઓલિમ્પિકમાં 89.45 મીટર સુધી ભાલો ફેંકયો હતો, જે સિઝનનો તેનો સર્વશ્રેષ્ઠ પ્રયાસ હતો. આ થ્રો સાથે નીરજે સિલ્વર મેડલ જીત્યો હતો જ્યારે પાકિસ્તાનના અરશદ નદીમે 92.97 મીટરના થ્રો સાથે ગોલ્ડ મેડલ જીત્યો હતો.
લોઝેન ડાયમંડ લીગમાં નીરજ 90 મીટરના આંકને સ્પર્શવા માંગે છે
નીરજ ચોપરા સ્વિત્ઝર્લેન્ડમાં રમાનારી લોઝેન ડાયમંડ લીગમાં 90 મીટરના આંકને ચોક્કસપણે સ્પર્શવા માંગશે. નીરજે તેની કારકિર્દીમાં અત્યાર સુધી 90 મીટરના આંકને સ્પર્શ કર્યો નથી. ગ્રોઈનની ઈજાને કારણે નીરજે આ સિઝનમાં ડાયમંડ લીગમાં વધુ ભાગ લીધો ન હતો. તેણે દોહા ડાયમંડ લીગમાં ભાગ લીધો હતો. જેમાં તેણે 88.36 મીટરનો થ્રો કર્યો હતો. લોઝેન ડાયમંડ લીગ સિઝનની છેલ્લી ડાયમંડ લીગ હશે. આ પછી નીરજ લગભગ 2 મહિનાનો બ્રેક લેશે, આ દરમિયાન તે ગ્રોઈનની ઈજા માટે સર્જરી પણ કરાવી શકે છે.
નીરજનો મેચ ક્યારે અને ક્યાં થશે?
નીરજ ચોપરા 22 ઓગસ્ટ એટલે કે આજે લૌઝેન ડાયમંડ લીગમાં ભાગ લેશે. નીરજ ચોપરાનો પ્રીગ્રામ ભારતીય સમય અનુસાર સવારે 12:22 વાગ્યે (23 ઓગસ્ટ) જોવા મળશે.
લાઈવ ક્યાં જોઈ શકાશે?
સ્પોર્ટ્સ 18 દ્વારા ટીવી પર નીરજ ચોપરાની એક્શન લાઈવ જોઈ શકશો. તેનું લાઈવ સ્ટ્રીમિંગ JioCinema એપ અને વેબસાઈટ પર થશે.
અરશદ નદીમ લીગનો ભાગ નહીં
ઉલ્લેખનીય છે કે આ ડાયમંડ લીગમાં આવા પાંચ એથ્લેટ ભાગ લઈ રહ્યા છે, જેઓ પેરિસ ઓલિમ્પિકના ટોપ-6માં સ્થાન મેળવવામાં સફળ રહ્યા હતા. બ્રોન્ઝ મેડલ જીતનાર એન્ડરસન પીટર્સ પણ આમાં સામેલ થશે. જોકે પેરિસ ઓલિમ્પિકમાં ગોલ્ડ મેડલ જીતનાર અરશદ નદીમ આ લીગનો ભાગ નહીં હોય.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech