કોલકાતાની મહિલા ડોકટરના બળાત્કાર–હત્યા કેસના વિરોધમાં આજથી ડોકટરોની ૨૪ કલાકની દેશવ્યાપી હડતાળ શ થઈ ગઈ છે. ઈન્ડિયન મેડિકલ એસોસિએશન (આઈએમએ) દ્રારા જાણકારી આપવામાં આવી છે. આઈએમએના જણાવ્યા મુજબ હડતાલ દરમિયાન કોઈ નિયમિત ઓપીડી, વૈકલ્પિક સર્જરી થશે નહીં. તમામ આવશ્યક સેવાઓ ચાલુ રહેશે અને ૨૪ કલાકના વિરોધ દરમિયાન ઘાયલોની સંભાળ રાખવામાં આવશે.
આ ઘટનાને લઈને તબીબો ૨૪ કલાકની હડતાળ પર જવાની જાહેરાતની સાથે આઈએમએએ પણ પાંચ માંગણીઓ આગળ ધરી છે. આમાં મુખ્યત્વે નિવાસી ડોકટરોના કામકાજ અને રહેવાની સ્થિતિમાં વ્યાપક ફેરફારોની માંગ અને કાર્યસ્થળો પર આરોગ્ય વ્યવસાયિકો સામેની હિંસા રોકવા માટે કેન્દ્રીય કાયદાનો સમાવેશ થાય છે. આ ઘટનાના વિરોધમાં, ગઈકાલે તમિલનાડુના તિનેલવેલીમાં સેંકડો ડોકટરોએ મીણબત્તીઓ પ્રગટાવીને વિરોધ કર્યેા. ઈન્દોરના તબીબોમાં પણ રોષ જોવા મળ્યો હતો. અહીં પણ ગઈકાલે ડોકટરો અને નસિગ સ્ટાફે કેન્ડલ માર્ચ કાઢી હતી. દેશના તમામ રાયોમાં આવા વિરોધ પ્રદર્શન થઈ રહ્યા છે.

બીજી તરફ કોલકાતા પોલીસ ફરી એકવાર સવાલમાં છે. અહીંના ડોકટરોએ આરજી કાર હોસ્પિટલમાં વિરોધ દરમિયાન તેમના પર થયેલા હત્પમલા અને તોડફોડની ધીમી તપાસનો આરોપ લગાવ્યો છે. ૧૪ ઓગસ્ટના રોજ, આરજી કાર મેડિકલ કોલેજ અને હોસ્પિટલની બહાર વિરોધ પ્રદર્શન કરી રહેલા ડોકટરો પર હિંસક હત્પમલા થયા હતા. આ બધા વચ્ચે આ મામલે પશ્ચિમ બંગાળની મમતા બેનર્જી સરકાર પર પણ હત્પમલાઓ તેજ થઈ ગયા છે. ઓડિશાના આરોગ્ય મંત્રી મુકેશ મહાલિંગે આ ઘટનાની નિંદા કરી અને તેને પશ્ચિમ બંગાળમાં મમતા બેનજીર્ની સરકારની નિષ્ફળતા ગણાવી. આ સિવાય બીજેપી પણ મમતા બેનર્જી સરકાર પર સતત સવાલો ઉઠાવી રહી છે.