​​​​​​​રિલાયન્સ ઈન્ડસ્ટ્રીઝના ચેરમેન મુકેશ અંબાણીના નાના પુત્ર અનંત અંબાણી 12 જુલાઈના રોજ મુંબઈના જિયો વર્લ્ડ સેન્ટરમાં રાધિકા મર્ચન્ટ સાથે લગ્ન કરવા જઈ રહ્યા છે. લગ્નમાં હાજરી આપવા માટે ઘણા VVIP મહેમાનો મુંબઈ પહોંચી રહ્યા છે. આમાં આંતરરાષ્ટ્રીય ખ્યાતનામથી માંડીને ફિલ્મ ઉદ્યોગ, વ્યવસાય, રમતગમત વગેરે તમામ ક્ષેત્રોની ઘણી જાણીતી હસ્તીઓનો સમાવેશ થાય છે. આ શાહી લગ્નમાં અનેક રાજનેતાઓ પણ પોતાની હાજરી નોંધાવશે. ઘણા VVIP મહેમાનોના મેળાવડાને ધ્યાનમાં રાખીને, અંબાણી પરિવારે લગ્નમાં એવી ખાસ સુરક્ષા વ્યવસ્થા કરી છે કે જાણીને આશ્ચર્ય થશે.

અંબાણી પરિવાર રહેશે ઝેડ પ્લસ સુરક્ષા હેઠળ

અંબાણી પરિવારના તમામ સભ્યો માટે વિશેષ સુરક્ષા વ્યવસ્થા કરવામાં આવી છે. તમામ સભ્યોની સુરક્ષાને ધ્યાનમાં રાખીને આ લગ્નમાં તેમને ઝેડ પ્લસ સુરક્ષા આપવામાં આવશે. અંબાણી પરિવારના સભ્યોની આસપાસ કડક સુરક્ષા ગોઠવવામાં આવશે.

લગ્ન દરમિયાન ISOS સેટઅપ સુરક્ષા

આ લગ્નમાં આવનાર મહેમાનો અને VVIPની સુરક્ષાને ધ્યાનમાં રાખીને ઈન્ટિગ્રેટેડ સિક્યુરિટી ઓપરેશન સિસ્ટમ (ISOS) સેટઅપ કરવામાં આવી છે. મીડિયા રિપોર્ટમાં કહેવામાં આવ્યું છે કે આ ઈન્ટિગ્રેટેડ સિક્યોરિટી ઓપરેશન સિસ્ટમનું નિરીક્ષણ ISOS સેન્ટરથી કરવામાં આવશે. આ સાથે લગ્નમાં સુરક્ષાની દેખરેખ માટે 60 લોકોની વિશેષ ટીમ બનાવવામાં આવી છે, જેમાં NSC કમાન્ડો પણ સામેલ છે. આ ઉપરાંત ઘણા પોલીસ અધિકારીઓ પણ આ ટીમનો ભાગ હશે. મહેમાનોની સુરક્ષામાં સુધારો કરવા માટે BKC 200 આંતરરાષ્ટ્રીય સુરક્ષા રક્ષકો, 300 સુરક્ષા સભ્યો અને 100થી વધુ મુંબઈ પોલીસ અને ટ્રાફિક કર્મચારીઓને તૈનાત કરશે.

100 પ્રાઈવેટ જેટની વ્યવસ્થા

અંબાણી પરિવારે ખાસ મહેમાનોને લઈ જવા માટે ત્રણ ફાલ્કન-2000 જેટ ભાડે લીધા છે. આ સાથે 100 થી વધુ ખાનગી વિમાનો દ્વારા મહેમાનોને લાવવાની કામગીરી કરવામાં આવશે.

લગ્નના સ્થળે 25 વેનિટી વાન તૈનાત

મહેમાનો અને અંબાણી પરિવારના ઉપયોગ માટે લગ્ન સ્થળ પર કુલ 25 વેનિટી વાન તૈનાત કરવામાં આવી છે. જેમાંથી 20 વેનિટી વાન મહેમાનોના ઉપયોગ માટે રાખવામાં આવી છે. જ્યારે અંબાણી પરિવારના સભ્યો દ્વારા 5 વેનિટીનો ઉપયોગ કરવામાં આવશે. આ વાન 8 જુલાઈથી 13 જુલાઈ સુધી Jio વર્લ્ડ સેન્ટરમાં પાર્ક કરવામાં આવશે.