અમૃતપાલ કેસમાં પોલીસે એક NRI વ્યક્તિની અટકાયત કરી છે. આરોપી જસવિન્દર સિંહ પાંગલી છેલ્લા ઘણા સમયથી ઓસ્ટ્રેલિયામાં રહે છે, હવે ભારત આવ્યો હતો અને 17મી એપ્રિલે ઓસ્ટ્રેલિયા પરત ફરવાનો હતો. તે પહેલા જ હોશિયારપુર પોલીસે તપાસ કરતા તેની ધરપકડ કરી લીધી છે.

28 માર્ચે હોશિયારપુરના મરનાઈયા ગામમાંથી અમૃતપાલ સિંહ ફરાર થયા બાદ પોલીસ તેને પકડવા માટે સતત સર્ચ ઓપરેશન ચલાવી રહી છે. આ ઘટના બાદ હોશિયારપુર પોલીસને મોટી સફળતા મળી છે. પોલીસે જસવિંદર સિંહ પાંગલી નામના એનઆરઆઈની ધરપકડ કરી છે, જે ફગવાડા નજીક જગતપુર જટ્ટા ગામનો રહેવાસી હોવાનું કહેવાય છે.

હજુ સુધી પોલીસ આ મામલે કંઈ કહેવા તૈયાર નથી. પોલીસે સંપૂર્ણ મૌન રહેવાનો નિર્ણય લીધો છે. પોલીસ સૂત્રોના જણાવ્યા અનુસાર, આ વ્યક્તિનો સંબંધ હોશિયારપુરથી અમૃતપાલ સિંહના ફરાર થવાની ઘટના સાથે જોડવામાં આવી રહ્યો છે. મનઈયા ગામમાંથી અમૃતપાલ ફરાર થયા બાદ આ પહેલી ધરપકડ છે.

એવી પણ માહિતી સામે આવી રહી છે કે, પોલીસે આ મામલે વધુ કેટલાક લોકોની અટકાયત કરી છે અને તેમની સઘન પૂછપરછ કરવામાં આવી રહી છે. પોલીસને મરનઈયા ગામમાંથી ફરાર અમૃતપાલ અને તેના સાથી પપ્પલપ્રીત સિંહ વિશે કેટલીક મહત્વપૂર્ણ કડીઓ મળી છે.

અમૃતપાલ સિંહ અને તેનો સાથી પપ્પલપ્રીત સિંહ 28 માર્ચે રાત્રે લગભગ 8 વાગ્યાની આસપાસ ગામ મરનાઈયામાંથી ફરાર થઈ ગયા હતા અને પોલીસ તેને શોધવા માટે દિવસ-રાત વિસ્તારમાં સતત શોધખોળ કરી રહી છે. સીસીટીવી કેમેરાના ફૂટેજની પણ ચકાસણી કરવામાં આવી રહી છે. આ સાથે જ શકમંદોને કસ્ટડીમાં લઈને પૂછપરછ કરવામાં આવી રહી છે.