હાલમાં, યુપીઆઈ લાઈટ યુઝર્સ તેમના એકાઉન્ટમાં રહેલુ બેલેન્સ ઉપાડી શકતા નથી. જોકે ટૂંક સમયમાં તેમાં બદલાવ થવા જઈ રહ્યો છે. એનપીસીઆઈ (નેશનલ પેમેન્ટ્સ કોર્પોરેશન ઓફ ઈન્ડિયા)એ 21 ફેબ્રુઆરી, 2025 ના રોજ પરિપત્ર જારી કરીને તેની બધી બેંકો, ચુકવણી સેવા પ્રદાતા (પીએસપી) બેંકો અને એપ્સ કે જેના પર યુપીઆઈ લાઈટ ચાલુ છે તેને 31 માર્ચ, 2025 સુધીમાં ‘ટ્રાન્સફર આઉટ’ ફંક્શન લાગુ કરવા અને સક્રિય કરવા નિર્દેશ આપ્યો હતો.

તેમાં નોંધવામાં આવ્યું છે કે બધા સભ્યોએ 'ટ્રાન્સફર આઉટ' ફંક્શન લાગુ કરવું જોઈએ. તે યુઝર્સને યુપીઆઈ લાઈટને ડિસેબલ કર્યા વિના તેમના યુપીઆઈ લાઈટ બેલેન્સમાંથી તે સ્રોત બેંક ખાતામાં ભંડોળ ઉપાડવાની મંજૂરી આપે છે જ્યાંથી તે લોડ કરવામાં આવ્યું હતું. ‘ટ્રાન્સફર આઉટ’ વ્યવહારો ઓળખવા માટે કોડ 46 નો ઉપયોગ કરવામાં આવશે.

હાલમાં, યુપીઆઈ લાઈટ ફંક્શન ફક્ત એક જ રીતે ચાલે છે, એટલે કે યુઝર્સ તેમના યુપીઆઈ લાઈટ વોલેટમાં પૈસા જમા કરાવવાનો જ વિકલ્પ આપે છે, પૈસા ઉપાડવાનો નહી. છે. જો કોઈ વ્યક્તિ યુપીઆઈ લાઈટમાંથી બેલેન્સ ફંડ ઉપાડવા માંગે છે, તો તેમણે તેમના યુપીઆઈ લાઈટ એકાઉન્ટને ડિસેબલ કરવું પડશે. એનપીસીઆઈની વેબસાઇટ પર સમજાવ્યા મુજબ યુપીઆઈ લાઈટ પર ડિસેબલ બટન ક્લિક કરવાથી લાઈટ એકાઉન્ટમાં બેંક પાસે ઉપલબ્ધ બેલેન્સ ફંડ ગ્રાહકના ખાતામાં રિલીઝ કરવામાં આવશે.

યુપીઆઈ લાઈટ નાના, ઑફલાઇન બેલેન્સ સાથે ઝડપી અને સીમલેસ ચુકવણીઓને સરળ બનાવવા માટે રચાયેલ છે અને વ્યવહારો પૂર્ણ કરવા માટે તેને સ્થિર ઇન્ટરનેટ કનેક્શનની જરૂર નથી. સામાન્ય રીતે નાના-મૂલ્યના વ્યવહારો માટે ઉપયોગમાં લેવાતા, યુપીઆઈ લાઈટ ની પ્રતિ વ્યવહાર મર્યાદા રૂ. 500 અને પ્રતિ દિવસ સંચિત ઉપયોગની ટોચમર્યાદા રૂ. 4,000 છે. કોઈપણ સમયે, યુપીઆઈ લાઈટ એકાઉન્ટમાં ઉપલબ્ધ કરાવી શકાય તેવી મહત્તમ બેલેન્સ રૂ. 2,000 છે.

મોહિત બેદી, કિવીના સહ-સ્થાપક અને સીબીઓ સમજાવે છે કે અત્યાર સુધી, યુપીઆઈ લાઈટ માં પૈસા ઉમેર્યા પછી તેનો ઉપયોગ ફક્ત વ્યવહારો માટે જ થઈ શકતો હતો જે પ્રવાહિતાને મર્યાદિત કરે છે. આ અપડેટ સાથે વપરાશકર્તાઓ હવે સુવિધાને ડિસેબલ કર્યા વિના બિનઉપયોગી યુપીઆઈ લાઈટ બેલેન્સને તેમના સ્રોત બેંક ખાતામાં પાછા ટ્રાન્સફર કરવાની ક્ષમતા ધરાવશે.