માનવ હસ્તક્ષેપને કારણે ગ્રીનહાઉસ વાયુઓની વધતી અસરને કારણે પૃથ્વીના મહાસાગરોની સ્થિતિ ઝડપથી બદલાઈ રહી છે. નાસાએ આ અંગે એક વિઝ્યુઅલ વીડિયો શેર કર્યો છે આ વિડિયોમાં જોઈ શકાય છે કે ગ્રીનહાઉસ વાયુઓના કારણે છેલ્લા કેટલાક વર્ષોમાં પૃથ્વી પર કેટલા ઝડપથી ફેરફારો થઈ રહ્યા છે. નેશનલ એરોનોટિક્સ એન્ડ સ્પેસ એડમિનિસ્ટ્રેશનએ પૃથ્વીના જળાશયો પર ગ્રીનહાઉસ વાયુઓની અસરો દર્શાવતો  વિડિયો પોસ્ટ કર્યો છે, જેમાં લખ્યું છે કે, પૃથ્વીનો 70% ભાગ પાણીથી ઢંકાયેલો છે, તેથી મહાસાગરો પૃથ્વીના વૈશ્વિક આબોહવામાં પરિવર્તન માટે સૌથી વધુ જવાબદાર છે.

નાસાએ ગ્રીનહાઉસ વાયુઓ પર તેની પોસ્ટમાં લખ્યું છે કે,આપણો મહાસાગર બદલાઈ રહ્યો છે. યુએસ સ્પેસ એજન્સીએ અહેવાલ આપ્યો છે કે માનવીય પ્રવૃત્તિઓ દ્વારા ઉત્પાદિત વાયુઓ સમુદ્રને બદલી રહ્યા છે. વિડિયો પર વિગત આપતા નાસાએ કહ્યું કે વિવિધ રંગો સમુદ્રની સપાટીના પ્રવાહોના સરેરાશ તાપમાનને દશર્વિે છે. એજન્સીએ જણાવ્યું હતું કે, ગરમ ગણાતા રંગો, જેમ કે લાલ, નારંગી અને પીળો, ઉચ્ચ તાપમાન સૂચવે છે અને લીલા અને વાદળી જેવા ઠંડા રંગો ઓછા તાપમાન સૂચવે છે,એજન્સીએ જણાવ્યું હતું. આ વિઝ્યુલાઇઝેશનમાં સ્પષ્ટપણે જોઈ શકાય છે કે પૃથ્વી પરના મહાસાગરોનું તાપમાન કેવી રીતે વધી રહ્યું છે. આ વીડિયો સોશિયલ મીડિયા પર શેર કરવામાં આવ્યો ત્યારથી 12 લાખથી વધુ વખત જોવામાં આવ્યો છે. આ સિવાય વીડિયોને લગભગ 8,000 લાઈક્સ મળ્યા છે. લોકોએ આ શેર પર પ્રતિક્રિયા આપતા અલગ-અલગ અભિપ્રાયો વ્યક્ત કયર્િ છે. નાસા કહે છે કે આ વિઝ્યુલાઇઝેશન 2007-2008ના સમયગાળાનું છે.